پاکستان اوگانستان ءِ تہا مھکمیں امنء ُ ایمنی ءِ واھشت منداِنت دیمپانی تجزیہ کار
اسلام آباد(پاکستان پوائنٹ نیوز۔26 جولائی۔2016) دیمپانی تجزیہ کار لیفٹیننٹ جنرل (ر) رضا محمد خان ءَ گشتگ کہ پاکستان اوگانستان ءِ تہامھکمیں امنء ُ ایمنی ءِ واھشت مند اِنت۔
ریڈیو پاکستانءِ گوما گپ ء ُ تران کنانءَ آئی ءَ گشتگ کہ اے گپءِ سرءَ کسءَ را شک کنگ نہ لوٹ ایت کہ پاکستان اوگانستانءِ تہا مھکمیں امن ء ُ ایمنی ء ِ واھشت مند اِنت۔
آئی ءَ گشتگ کہ آئی ءَ را کابل ءَ ناشرکاری اُرش ءِ تہا گران بہاھیں جانانی تاوان بوھگءِ سرء َ سک باز اپسوز اِنت ۔
آئی ءَ گشتگ کہ اوگانستان
ءَ امنء ُ ایمنی ءِ جوڑ کنگءِ ھاترءَ دوھیں ملک آنی حکومت آں یک جاھ بوھگء ُ کار کنگء ِ ضلورت اِنت۔
لیفٹیننٹ جنرل رضا محمد خانءَ گشتگ کہ پاکستان ءِ تہا نندوکیں باز اوگان لڑء ُ بار کنوک جرم ءِ تہا ھوار اَنت۔ آئی ءَ گشتگ کہ پاکستان ءَ چہ اوگان لڑ ء ُ بار کنوکانی امن ء ُ ایمنیں وڑے ءَ در کنگ باز ضلوری اِنت ۔
ملا منصور ءِ ھوالگءَ جست کتگیں جُستءِ پسو ءَ دیئانء َ آئی ءَ گشتگ کہ آئی ءِ بیرانی ءَ چہ اوگانستان ءَ امن ء ُ ایمنی جوڑ کنگءِ دراھیں کوشستاناں تاوان رسیتگ۔