صدر مملکت ممنون حسین نا نیشنل یونیورسٹی آف میڈیکل سائنسز نا وائس چانسلر لیفٹیننٹ جنرل سید محمد عمران مجید تون اوڑدہی ٹی ہیت وگپ
اسلام آباد (پاکستان پوائنٹ نیوز۔26 جولائی۔2016) صدر مملکت ممنون حسین پارینے کہ ملک اٹی گچین ءُ ڈاکسر ودی کننگ کن ننے میڈیکل ناتعلیم نا آب ءِ پین گچین جوڑ کننگ ناگرج ءِ تانکہ لس بندغ نا دارودرمان مننگ کے۔
داہیت ءِ او سے شنبے آ نیشنل یونیورسٹی آف میڈیکل سائنسز نا وائس چانسلر لیفٹیننٹ جنرل سید محمد عمران مجید تون ایوان صدر اٹی اوڑدہی نا وخت آ پارے۔
صدر مملکت لیفٹیننٹ جنرل سید محمد عمران مجید ءِ نیشنل یونیورسٹی آف میڈیکل سائنسز ناوائس چانسلر جوڑ مننگ آ مبارکبادی تس۔
اودااومیت نا درشانی ءِ کرے کہ نیشنل یونیورسٹی آف میڈیکل سائنسز میڈیکل نا بشخ اٹی پین گام
گیج چست کیک۔ صدر مملکت پارے کہ میڈیسن نا بشخ خدمت ءِ خلق انا بشخ ءِ و داڑتون منسلک خلقت آتے تینا زمہ واری تے خذمت خلق سرپند کرسا سرانجام تروئی مریک۔
صدر مملکت داوخت آ منہ پرائیویٹ ہسپتال و میڈیکل کالج آتا ذکر ءِ کرسا پارے کہ ملک ءِ درمان نا آسراتی کن پین نرسنگ ہسپتال آتا گرج ءِ تانکہ ملک اٹی تربیت یافتہ عملہ نا کمتی ءِ پورو کننگ مرے۔
نیشنل یونیورسٹی آف میڈیکل سائنسزنا وائس چانسلر لیفٹیننٹ جنرل سید محمد عمران مجید صدر مملکت ءِ یونیورسٹی آن بابت بریفنگ ترسا پارے کہ او خواہک کہ تینا غٹ تر لائخی تے کاریم اٹ ہتسا پیشہ ورانہ و گچین وڑاٹ طبی آسراتی تننگے۔