2017ء ٹی پاکستان و ایران نا نیام اٹ آزادانہ واپار نا معاہدہ طے مریک، خرم دستگیر
اسلام آباد(پاکستان نیوز پوائنٹ 23دسمبر2016ء) بنجائی وزیر واپار خرم دستگیر پارینے کہ 2017 ء ٹی پاکستان و ایران نا نیام اٹ آزادانہ واپار نا معاہدہ طے مریک۔
اِرا دے ئی دورہ ایران آن مست ریڈیو پاکستان ءِ خصوصی انٹرویو ٹی اومیت نا درشانی ءِ کرسااوپارے کہ بروک آ سال ایران و پاکستان نا نیام اٹ آزادانہ واپار نا معاہدہ طے مریک ہراڑآن ہڑتوم
آ ملک آتا نیام اٹ واپار ءِ مون آ دننگک۔
اوپارے کہ اینخو نا سال انا بناء ٹی ایران نا صدر حسن روحانی نا دورہ پاکستان نا وخت آ دا معاہدہ نا بابت ہیت وگپ نا بناء کننگاسس۔
خرم دستگیر خان پارے کہ اونا دورہ ایران نا وخت دا معاہدہ نا کسر اٹی بروک آ غٹ اڑاند آتے مر کننگ و گوادر کن ایران آن بجلی نا دوئی آ ہیت و گپ کننگ اٹی کمک رسینگک۔