آزاد کشمیرء َ گچین کاری مہم گوستگیں شپ12ءَ ھلاس بوتگ پنچ شمبے ءِ روچءَ کشمیری اُلس پنچ سالءِ ھاترءَ کانود ساز اسمبلی ءِ 41باسکاں درچنت
اسلام آباد (پاکستان پوائنٹ نیوز۔20 جولائی۔2016) آزاد کشمیر ءَ گچین مہم گوستگیں شپءِ 12بج ءَ ھلاس بوتگ، 21 جولائی ءَ بوھوکیں گچین کاری ءِ تہا کشمیری اُلس پنچ سال ءِ ھاترءَ کانود ساز اسمبلی ء ِ 41باسکانی گچینی ء کنت۔
گچین کاری مہمءِ گڑی روچ آزاد کشمیر ءَ دراھیں سیاسی گلانی نیمگءَ چہ ھمک حلقہ آں جلسہ ء ُ روانک در کنگ
بیت۔ زانت کاراں گشتگ کہ راستیں دیم پہ دیمی حکمران گل پیپلز پارٹی ، مسلم لیگ (ن) ء ُ تحریک انصاف ءِ درنیامءَ بیت۔
سئیں گلانی رہنما آں آزاد کشمیر ءَ گوستگیں روچاں گچین کاری جلسہ کتگ ء ُ اُلسءَ را وتی منشورءَ چہ سرپد کتگ۔ دومی نیمگءَ گچین کاریءِ وھدءَ سیکیورٹی ء ُ پولنگ ءِ ھاترءَ گامیگیجانا گڑی دروشم داتگ۔