درستیں بلوچستان ءَ ایف اے ءُُ ایف ایس سی ءِ برجاہ ضمنی گچینکاری ءَ دوانزدہ ہزار نو در بر بہر زورگ ءَ انت بلوچستان بورڈ آف انٹر میڈیٹ اینڈ سیکنڈری ایجوکیشن ءِ چیئر مین پروفیسر ڈاکٹر سراج کاکڑ ءِ اے پی پی ءِ گوں گپ ءُُ تران

کوئٹہ(پاکستان نیوز پوائنٹ 8نومبر2016ء) بلوچستان بورڈ آف انٹر میڈیٹ اینڈ سیکنڈری ایجوکیشن ءِ چیئر مین پروفیسر ڈاکٹر سراج کاکڑ ءَ گشتگ انت کہ درستیں بلوچستان ءَ ایف اے ءُُ ایف اے سی ءِ برجاہ ضمنی گچینکاری ءَ دوادہ ہزار نو در بر بہر زورگ ءَ انت آھانی ھاتر ءَ پنجاہ ءَ چہ زیات چکاسی جاہ جوڑ کرتگ انت چوشکہ صوبائی وزیر وانگ ءُُ زانگ عبدالرحیم زیارتوال ءِ ھاسیں دلچسپی ءُُ کمک ءِ وجہءَ چکاسی جاہ ءَ درستیں آسراتی دئیگ ءَ انت اے گپ آئی ءَ سے شمبے ءَ اے پی پی ءِ گون گپ ءُُ تران

کنگءَ کرتگ۔

پروفیسر ڈاکٹر سراج کاکڑ ءَ گشتگ کہ وانگ ءِ دیمروی ءُُ شرح وانندگی ءَ زیات کنگ ءَ ابید نوکیں وھد ءِ چیلنج آنی دیمپانی ءِ مقابلہ کرت نہ کن انت ہمے ھاتر ءَ نو در بر آنی سر ا مزنیں ذمہ داری بیت کہ آ نقل ء کنگ ءِ جاہ ءَ وتی زانتکاری ءَ پائدگ بہ زور انت یک دِگہ جست ءِ پسو ءَ چیئر مین بورڈ ءَ گشتگ کہ چکاسی جاہ ءِ نزد دفعہ 144جتگ انت چوشکہ نقل ءِ ھوالہ ءَ زیرو ٹارلنس ءِ پالیسیءِ سرا عمل کنگءَ انت ءُُ اے ھوالہ ءَ ھچ غفلت یا کوتاہی برداشت کرت نہ کن انت۔