دود ءُُ ربیدگی ورثہ ءَ راجی ذمہ واری سمجھگ ءَ رکھگ بہ دئیت، زالبول اول بیگم محمودہ ممنون حسینءِ لوک ورثہ میوزیم ءَ دیوان ءَ تران

اسلام آباد(پاکستان نیوز پوائنٹ 8نومبر2016ء) زالبول اول بیگم محمودہ ممنون حسین ءَ گشتگ انت کہ دود ءُُ ربیدگی راج ءِ شناخت بیت آئی ءَ راجی ذمہ واری سمجھگ ءَ رکھگ دئیگ لوٹیت، پاکستان متنوع ءُُ دلکش دودءُُ ربیدگی ورثہ ءَ پُر انت ءُُ ایشی ءَ لوک روایت ءَ آؤکیں نسل آں برگ ءَ محفوظ جوڑ کنگ ءِ ضلورت انت۔

آئی ءَ اے گپ سے شمبے ءَ لوک ورثہ میوزیم ءَ روئتی ٹوکری جوڑ کنگ ءِ باروا ہفت روچی ھیل کاری پروگرام ءَ مہمان ھاس ءِ جہت ءَ تران کنگ ءَ کرتگ۔

بیگم محمودہ ءَ گشتگ کہ کجام راج وت ءَ وتی دود ءُُ ربیدگ ءَ جتا کنت ءُُ بیگانہ دودءُُ ربیدگ ءَ منیت آ راج عالم ءَ فخر ءِ گوں زندگ نہ مانیت۔

آئیءَ گشتگ کہ راجی شناخت ءِ رکھگ راجءِ بھروسہءَ کرتگ انت ءُُ دیمروی ءِ راہ ءَ روان کرتگ انت۔ زالبول اول ءَ درستیں صوبہ ءُُ دمگ آنی ھندی دود ءُُ ربیدگ آں براھداریں وڑ ءَ زورگ ءَ لوک ورثہ ءِ ستا کرتگ۔

آئی ءَ گشتگ کہ لوک ورثہ ءِ کرافٹ آف دی منتھ ھیل کاری پروگرام کرن آنی کہن

دستکاری چیز آنی بحالیءَ کمک انت آئی ءَ ورنا نسل ءَ باسکٹ سازی ءِ فن ءَ روشناس کنگ ءَ ڈائریکٹوریٹ جنرل برائے ھاسیں وانگ ءُُ زانگ ءُُ بنجاہی نظامت وانگ ءُُ زانگءِ کمک ءَ ہم سہڑائینتگ۔

آئی ءَ اسلام آباد پبلک سکول ءُُ کالج آنی نو در بر آنی نیمگءَ اقبال ءِ شاعری ءُُ ملی نغمہ آنی سرا پر فارمنس ءِ ہم ستا کرتگ۔

آئی ءَ دیوان ءَ ھستیں لورک ورثہءِ ایگزیکٹو دائریکٹر ڈاکٹر فوزیہ سعید ءُُ آئی ئِٹیمءِ ہم ستا کنگءَ گشتگ کہ ھاس وڑ ءَ ھاسیں زاھگ آنیھیل کاری مزن آماچ کن ات۔

دیما ایگزیکٹو ڈائریکٹر لوک ورثہ ڈاکٹر فوزیہ سعید ءَ گشتگ کہ دستکاری ءِ باروا ھیل کاری پروگرام ورنا نسل ءَ ہنر برگ ءِ پیش نظر بندات کرت انت۔

آئیءَ گشتگ کہ تنے وھدے لوک ورثہءَ اے سلسلہ ءَ 12سر سوب پروگرام بوتگ انت ءُُ سد آنی نو در بر ایشاں پائدگ زرتگ انت ۔

پدا بیگم محمودہ ممنون حسین ءَ صوبہ آنی باروا دود ءُُ ربیدگی پروگرام پیش کنوکیں نو در بر آن ستائی سند بہر ءُُ بانگ کرتگ۔