کراچی(پاکستان نیوز پوائنٹ 3 نومبر2016ء) کراچی ءِ دمگ لانڈھی ءَ دو ٹرین آنی نیام ءَ تصادم ءَ 17مردم بیران چوشکہ 57ءَ چہ زیات ٹپی بوت انت ڈویژن سپرنٹنڈنٹ ریلوے کراچی نثار میمن ءَ وھیل ءِ ھوالہ ءَ گپ ءُُ تران کنگ ءَ گشتگ کہ ذکریا ایکسپریس لانڈھی ریلوے اسٹیشن ءِ نزد اوشتوک فرید ایکسپریس ءَ ڈک گپتگ آئی ءِ آسر ءَ 17مردم بیران چوشکہ 57ءَ چہ زیات ٹپی بوتگ انت۔
آئی ءَ دِگہ گشتگ کہ دوئیں گاڑی تہی ملک ءَ کراچی آھگ ءَ ات انت۔ وھیل ءِ اطلاع رسگ ءَ چہ ریلوے حکام ءُُ انتظامیہ ءِ افسر جاگہ ءَ سر بوت
انت ءُُ کمکی کارروائی ءِ سروکی کرت انت۔
آئی ءَ گشتگ کہ وھیل ءَ بیرانءُُ ٹپی آں جناح ہسپتال برت انت اودا آھانی دارو درمان برجاہ انت۔ ڈی ایس ریلوے ءِ ردا یک ٹریک بحال کرتگ انت چوشکہ دیمے لہتیں کلاک آں ریلوے ٹریفک معمول ءِ ردا بحال بیت۔
ریلوے پولیس ءَ وھیل ءِ اولی پٹ ءُُ پول بندات کرتگ انت چوشکہ بنجاہی انسپکٹر ریلوے وھیل ءِ سرجمی ءَ انکوائری ءِ ھاتر ءَ مرچی کراچی سر بوھگ ءَ انت۔
کمشنر کراچی اعجاز احمدخان ءَ میڈیا ءَ گشتگ کہ کمکی کارروائی ہما وھد ءَ سرجم کرتگ انت۔