اسپیکر قومی اسمبلی نا وزیر مملکت اطلاعات و نشریات مریم اورنگزیب ءِ مبارکباد
اسلام آباد(پاکستان نیوز پوائنٹ 3 نومبر2016ء) اسپیکر قومی اسمبلی سردار ایاز صادق وزیر مملکت اطلاعات و نشریات مریم اورنگزیب ءِ وزارت نا قلمدان سنبھالنگ آ مبارکبادی پیش کرسا پارینے کہ او تینا خاہوتی روایت ءِ برقرار تخسا ایلو تا اظہاررائے نا شرف ءِ کیک۔
پنچ شنبے آ وزیر مملکت اطلاعات و نشریات مریم اورنگزیب اسپیکر قومی اسمبلی سردار ایاز صادق تون پارلیمنٹ ہاؤس اٹی اوڑدہی کرے۔
داوخت آ اسپیکر قومی اسمبلی اودے وزارت اطلاعات
و نشریات نا قلمدان سنبھالنگ آ مبارکبادی پیش کرے و اونا لائخی تا ستاءِ کرے۔
اواومیت ظاہر کرے کہ او تینا پبی لائخی تے کاریم اٹ اتسا تینا خاہوتی روایت آتے برقرار تخک و ایلوفتا اظہار رائے نا حق انا شرف ءِ کیک۔
اووزیر مملکت تون ہیت کرسا پارے کہ ”نی تینا دھیمہ لہجہ و نرم مزاجی نا بدولت سیاست اٹی جوانو پن اس کٹانس“۔ وزیر مملکت مریم اورنگزیب اسپیکر نا کنڈآن اوڑآ پت انا درشانی کننگ کن منت واری ءِ ادا کرے۔