جہانی برادری او آئی سی و اقوام متحدہ نا سلامتی کونسل نا تعلقدار قرارداد آتا رداٹ کشمیر نا جھیڑہ نا منصفانہ و پائیدار ایسر ی اس پٹنگ اٹ تینا کڑد ءِ ادا کیراو آئی سی نا مقبوضہ کشمیر اٹی بے گناہ شاری تا خون نا ترندی اٹ مذمت، زہمی خاہوت آتون ہڑزخواہی نا درشان
اسلام آباد (پاکستان پوائنٹ نیوز18دسمبر 2018ء) اسلامی کمکار تنظیم (او آئی سی ) نا جنرل سیکرٹریٹ مقبوضہ کشمیر اٹی بے گناہ کشمیری تا خون ناترندی اٹ مذمت ءِ کرینے ہراڑے پلوامہ نا علاقہ ٹی مچی کروک آتیا براہ راست گولی تا برسات اٹی چندی کودک شاری تپاخت و کیہی ٹھپی مسنو۔
دوشنبے نادے جاری پریس ریلیز نا رداٹ او آئی سی جنرل سیکرٹریٹ دہشت گردی نا دا کارروائی نا مذمت ءِ کرسا جہانی
برادری آ زور شاغا کہ او او آئی سی و اقوام متحدہ نا سلامتی کونسل نا تعلقدار قرارداد آتارداٹ کشمیر نا جھیڑہ نا منصفانہ و پائیدار ایسری اس پٹنگ اٹ تینا کڑد ءِ ادا کیر و کشمیری الس نا است خواہی تے پورو کننگے۔
جنرل سیکرٹریٹ زہمی خاہوت آتون ہم دلی ہڑزخواہی ظاہر کرے ہرافتا سیال و قریب آک دہشت گردی نا کارروائی ٹی تپاخت کریر وخت اس کہ ٹھپی تا زوت جان جوڑی کن دعا کننگا۔