وزیراعظم عمران خان تون ترک وزیر داخلہ سلیمان سوئلو نا اوڑدہی ہڑتوم آ کنڈآتا تعلقداری و چندی بشخ آتے ٹی تین پہ تینی کمکاری ءِ پین ودفنگ نا وڑوڈول آتیا گپ و تران، ترک وزیروزیراعظم عمران خان ءِ ترکی نا دورہ نا سلہ خلک
اسلام آباد (پاکستان پوائنٹ نیوز18دسمبر 2018ء) وزیراعظم عمران خان تون ترک وزیر داخلہ سلیمان سوئلو دوشنبے نادے آ وزیراعظم آفس اٹی اوڑدہی کرے۔
وزیر مملکت داخلہ شہریار آفریدی ہم داوخت آ ساڑی ئس۔ ترک وزیر داخلہ وزیراعظم ءِ وزارت عظمیٰ نا منصب ءِ سنبھالنگ آ ترک سرکڑدہ و تینا کنڈآن مبارکبادی تس و ترک صدر نا تہنیتی کلہو ءِ سرکرے۔
اوڑدہی ٹی ہڑتوم آ کنڈآتا
تعلقداری و چندی بشخ آتے ٹی تین پہ تینی کمکاری ءِ پین ودفنگ نا وڑوڈول آتیا گپ و تران مس۔
اوپاکستان ءِ ترکی نا ہروڑنا کمکاری نا یخین دہانی کرفے۔ ترک وزیر داخلہ وزیراعظم ءِ ترکی نا دورہ نا سلہ ہم خلک۔
داوخت آ وزیراعظم عمران خان پاک ترک تعلقداری تے مون آ دننگ آ است جمی نا درشانی ءِ کرسا ترک صدر و سرکڑدہ غاتے پاکستان نا دورہ غاتا سلہ خلک۔