دہشت گرد آتے ہائی سیکورٹی نا سوب شار اٹی کارروائی کننگ نا موقع ملیتو، وزیراعلیٰ بلوچستان
اسلام آباد(پاکستان نیوز پوائنٹ 25اکتوبر2016ء) وزیراعلیٰ بلوچستان نواب ثناء اللہ زہری پارینے کہ شار اٹی دہشت گرد آتا احوال آ مسہ چار دے آن سیکورٹی ہائی الرٹ ئس۔
نجی ٹی وی چینل نا رداٹ کوئٹہ ٹی میڈیا تون ہیت وگپ کرسا اوپارے کہ شار اٹی دہشت گردانہ جلہو نا احوال مست آن ساڑی ئس ۔
دہشت گرد آتے ہائی سیکورٹی نا سوب شاراٹی کارروائی کننگ نا موقع ملنگ کتو ہنداخاطران اوفک مضافاتی علاقہ ءِ نشانہ جوڑ کرینو۔
اوپارے کہ دہشت گرد آتے اوفتا کروک نا سزاایتنہ۔ وزیراعلیٰ بلوچستان پارے کہ پاک فوج ، پولیس و ایف سی گچین و مثالی کوآرڈینیشن نا درشانی ءِ کرینو۔
سیکورٹی ادارہ غاک جان نا بازی ءِ خلسا بھاز انگا قیمتی جان تے بچفینو۔ اوپارے کہ جام شہادت ءِ نوش کروک آک قوم انا ہیروک ءُ اوفتے سلام پیش کینہ۔
وزیراعلیٰ بلوچستان سول ہسپتال و بولان میڈیکل کالج اٹی ٹھپی تے بروخت طبی امداد نا ستاءِ کرسا اودے مثالی گوندا۔