بنجائی وزیر مذہبی امور ڈاکٹر نورالحق قادری نا اسلامی نظریاتی کونسل نا دیوان آن تران
اسلام آباد(پاکستان پوائنٹ نیوز28نومبر2017ء) بنجائی وزیر مذہبی امور ڈاکٹر نور الحق قادری پارینے کہ توہین انبیا ء نا سدباب کن جہانی کانود اس جوڑ کننگ کن پاکستان امت مسلمہ نا سرکڑدہ ہی ءِ کیک۔
او سے شنبے نادے داڑے اسلامی نظریاتی کونسل نا دیوان آن تران کریکہ۔ وزیر مذہبی امور
پارے کہ حکومت اسلامی نظریاتی کونسل نا سلاہ و سوج آتیا کانود سازی نا بابت ہر وڑ کمک کیک۔
اوپارے کہ پاکستان ءِ ریاست مدینہ نا وڑاٹ کننگ ننا تغ ءِ۔ اوپارے کہ اسلامی نظریاتی کونسل نا سلاہ وسوج آتے قومی اسمبلی و سینیٹ اٹی پیش کننگ نا معاملہ ٹی مستین آمبار ہرے کننگپک۔