ریلویز ڈویژن نا شونداری ڈٹ آتے کن داوخت اسکان 19 ارب 38 کروڑ 48 لکھ روپئی آن زیات نا فنڈ جاری

اسلام آباد (پاکستان پوائنٹ نیوز 15 مئی 2018ء) وزارت ڈٹ بندی، شونداری و اصلاحات سرکاری بشخ انا شونداری پروگرام تے ٹی ریلویز ڈویژن نا شونداری ڈٹ آتے کن جم وڑاٹ داوخت اسکان 19 ارب 38 کروڑ 48 لکھ روپئی آن زیات نا فنڈ جاری کرینے، حکومت ریلویز ڈویژن نا شونداری کاریم تے کن 42ارب 90 کروڑ روپئی نا فنڈ جتا کرینے۔

پلاننگ کمیشن نا جاری کروک حساب وکتاب نا رداٹ حکومت گوادر اٹی ریلوے کنٹینر یارڈ کن 41لکھ، وزارت ریلوے ٹی سی پیک سپورٹ

پراجیکٹ کن 3 کروڑ، اسٹاف کوارٹر نا جوڑ جاڑ کن 11 کروڑ 31 لکھ، خانیوال ٹورائیونڈ ٹریک ءِ اِرارویہ کننگ کن 27 کروڑ 18 لکھ، ایم ایل ون نا اپ گریڈیشن کن 5 ارب 50 کروڑ، نیوڈی ای لوکوموٹوز کن 66 کروڑ 35لکھ، 2010 ء جلاب آن زہمی ماڑی تا بحالی کن 52کروڑ 64لکھ، خانیوال ٹو سکھر سیکشن نا بحالی کن 58 کروڑ، رولنگ اسٹاک ٹریک اکن 44 کروڑ، 100 ڈی ای لوکوموٹوز نا ریپیئرنگ کن اسہ ارب 2 کروڑ تون اوار چندی شونداری ڈٹ آتے کن فنڈ جاری کرینے۔