صدر آزاد کشمیر سردار مسعود خان میر پور اٹی بے نظیر بھٹو شہید میڈیکل کالج نا کانووکیشن آن تران
اسلام آباد (پاکستان پوائنٹ نیوز 15 مئی 2018ء) صدر آزاد جموں و کشمیر سردار مسعود خان پارینے کہ شعبہ طب انسانیت نا خذمت نا بشخ اسے و ڈاکٹر آتے خذمت ناجوزہ غان بایدے سرشار مریر و راج انا غٹ بندغ آتے بے رنگ و نسل ، قبیلہ و بے پرخ عہدہ نا اسہ وڑ طبی آسراتی و درمان فراوان کروئی مرے۔
سے شنبے نادے میر پور اٹی بے نظیر بھٹو شہید میڈیکل کالج نا اولیکو
کانووکیشن آن بطور مہمان خاص تران کرسا صدر آزاد کشمیر فارغ مروک آ ڈاکٹر آتے پارے کہ نم تینا زند انا اسہ اہم ءُ مزل اس طے کرینورے ولے داڑتون اوار اوار اینو اسہ پوسکن ءُ سفر اسے نا بناءِ کننگورے و داسفر ڈکھیا انسانیت نا خذمت نا سفر ءِ۔
نم ہراوڑ تینا تینا بشخ اٹی کسبی لائخی تے سوگو کیرے ہموخہ راج نما علم و نما ہنر آن فائدہ ہرفک۔