بلوچستان بروک آ مالی سال 2018-19 نا 3کھرب 52 روب روپئی آن زیات نا بجٹ پیش ہراٹی 88.03 ارب روپئی شونداری وخت اس غیر شونداری خڑچ آتیکن 264.04 ارب روپئی جتا کننگانے بروک آ مالی سال خسارہ نا بجٹ مریک۔ ہراٹی خسارہ نا تخمینہ 1.07 روپئی خلنگانے۔ بجٹ ٹی تعلیم ، جانجوڑی ،امن و ایمنی و توانائی نا بشخ آتے تر جیح تننگانے۔ بلوچستان اسمبلی ٹی دیوان دوشمبے ء َ پبگہ تون اسپیکر راحیلہ حمید خان درانی نا کماشی ٹی بنا کرے

کوئٹہ (پاکستان نیوزپوائنٹ 14 مئی 2018ء) بلوچستان بروک آ مالی سال 2018-19 نا 3کھرب 52 روب روپئی آن زیات نا بجٹ پیش کرینے ، ہراٹی 88.03 ارب روپئی شونداری وخت اس غیر شونداری خڑچ آتیکن 264.04 ارب روپئی جتا کننگانے بروک آ مالی سال خسارہ نا بجٹ مریک۔

ہراٹی خسارہ نا تخمینہ 1.07 روپئی خلنگانے۔ بجٹ ٹی تعلیم ، جانجوڑی ،امن و ایمنی و توانائی نا بشخ آتے ترجیخ تننگانے۔

بلوچستان اسمبلی ٹی دیوان دوشمبے ء َ پبگہ تون اسپیکر راحیلہ حمید خان درانی نا کماشی ٹی بنا کرے ،سلاہ کار خزانہ ڈاکٹر رقیہ سعید ہاشمی بروک آ مالی سال 2018-19 ءِ پیش کرسا پارے کہ بجٹ اٹی کوشست کننگانے کہ الس نا ویل آ ایسرکن ڈٹ اوار کننگے۔

بلوچستان شونداری نا کسراشاغنگک۔ وزیر اعلیٰ بلوچستان عبدالقدوس بزنجو چنکووخت اس ٹی شونداری نا کسرآ شاغنے۔او پارے کہ مالی سال 2018-19 ٹی امن واایمنی کن غیر شونداری بجٹ ٹی 34 ارب روپئی جتاکننگانے۔

ہراساڑی مالی سال نا مقابلہ ٹی کم و بیش 10 درسد زیات ء ُ ۔ لیویز ، پولیس نا کارکڑد ءِ پین گچین جور کننگ کن پاک آرمی آن پیشہ ورانہ تربیت تننگ انگ ءِ۔

او پارے کہ کانود نافذ کروک آ ادارہ غاتتون ساڑی حالیت و چیلنجر آتیان چٹفنگ کن جدید خطوط اتیان منظم کننگ انگ ءِ ۔

دا چرجوئی ٹی 2 ارب روپئی نا سلہہ و ایلو المی گڑاتا بست و بند کننگ انگ ءِ۔ سلاہکار خزانہ ڈاکٹر رقیہ ہاشمی پارے کہ کس ہس ہم شونداری کن تعلیم آکل آن زیات توجہ تننگ انگ ءِ۔

حکومت بلوچستان تینا پنچ سال نا بلوچستان ایجوکیشن سیکٹر پلان مرتب کرینے۔ ہرانا رداٹ پوسن ء سکول آتا جوڑ کننگ ، ساڑی سکول آتا اپ گریڈ یشن و Early Chidhood education کلاسز آتا اجراء مریک۔

او پارے کہہ بروک آ مالی سال 2018-19 ٹی محکمہ سکول آتیکن غیر شونداری مد ٹی 43.

9 روب روپئی جتا کننگانے ۔ ہر ساڑی مالی سال نا مقابلہ ٹی 25 درسد زیات ءِ ۔

بروک آ مالی سال 2018-19 ٹی سد آن زیات پرائمری سکول جوڑ کننگک تاکہ تعلیم اسکان رسائی ممکن جوڑ کننگے۔ ہندن سد سکول آکے مڈل نا درجہ ترسہ وخت اس مڈل اسکول آتے ہائی نا درجہ ترننگ نا ڈٹ بند ی کننگانے۔

او پارے کہ استاد آتا بھرتی میرٹ آکننگ کن ( Independ Testing Service ) ءِ متعارف کننگانے ۔ صوبہ نا مچ آ سکول اتیٹی فرنیچر ، اسٹیشنری نا گڑا ، سائنسی آلات ، و کوازی نا کڑا تا کمتی ءِ مرکننگ کن 83.3 کروڑ روپئی تخنگانے ۔

بولان میڈیکل کالج ءِ یونیورسٹی نا درجہ تننگن 1 ارب روپئی جتا کننگانے ۔ ڈینٹل کالج کوئٹی نا جوڑ کننگن اسہ ارب روپئی جتا کننگانے ۔ سنڈیمن صوبائی ہسپتال ٹی پوسکونو تعمیر او پی ڈی بلاک کن 19.8 کروڑ روپئی جتا کننگانے۔ (ع ن)