قومی اسمبلی ٹی قائد حزب اختلاف سیدخورشید احمد شاہ نا پارلیمنٹ ہاؤس ٹی ذرائع ابلاغ تون ہیت گپ

اسلام آباد (پاکستان نیوزپوائنٹ 23اپریل 2018ء) قومی اسمبلی میں قائد حزب اختلاف سیدخورشید احمد شاہ پارنے کہ ادارہ غاتا ٹکرہلنگا ملک ویل آتا شکار مریک۔

سند ھ حکومت بجٹ پیش کریک۔ اگہ خیبر پختونخوا نا صوبائی حکومت بجٹ پیش کتو تو جولائی نا خڑچ آتے کینکپک۔ دوشمبے ءَ پارلمنٹ ہاؤس ٹی ذرائع ابلاغ نا نمائندہ غاتتون ہیت گپ کرسا کرے او پارے کہ حکومت و عدلیہ ہڑتوم آ کے صبر و تحمل نا درشانی ءِ بایدے کیر انتہ کہ ادارہ غاتا ٹکر ہلنگ آن ملک ویل آتا شکار مریک ۔

سیاسی ورکر نا حیثیت فریشان اٹ، نن خوہپننگ کہ نظام چورہ چورہ مرہ۔ سکیورٹی پدے ہلنگ

نا بابت اسہ سوج ئس نا ورندی ٹی او پارے کہ خدانخواستہ ملک ٹی دہشت گردی نا حالیت مس و دا دوران کسس سیاستدان تون گڑاس مس تو دوبہ عدالت آ بریک ۔

عدالت آکے دا معاملہ غاتیٹی مداخلت بایدے کنپک۔بے نظیر بھٹو نا شہادت نا واقعہ ہم داسوب آن مس انتکہ پرویز مشر ف ءِ سکیورٹی انگ کروئی ئسکءِ۔

او پارے کہ اسفند یار ولی و مولانا فضل الرحمن آ جلہو مسونے ننے ہم داسا دھمکی تننگانے ۔ اوپارے کہ ای مستم پارہ سٹ کہ نواز شریف پدلی بریک او لندن ٹی توس تو اونا ساست صفر مریک۔

او پارے کہ کنا دعا ءِ کہ اللہ تعالیٰ کنا ایڑ کلشوم نواز ءِ جان جوڑ کیک۔