صدر مملکت ممنون حسین تون بنجائی وزیر واپار انجینئر خرم دستگیر نا اوڑدہی ، وزارت آن بابت بریفنگ تس
اسلام آباد(پاکستان نیوز پوائنٹ 21ستمبر 2016ء) صدر مملکت ممنون حسین پارینے کہ حکومت نا اقتصادی پالیسی تا سوب قومی معیشت گچین مننگ ءِ ، بین الاقوامی مالیاتی ادارہ غاک ہم پاکستان نا پالیسی نا ستاءِ کرینو۔
داہیت ءِ او چارشنبے آ ایوان صدر اٹی بنجائی وزیر واپار انجینئر خرم دستگیر خان تون ہیت وگپ کرساپارے۔ صدر مملکت پارے کہ قومی معیشت ءِ سوگو کننگ کن برآمدات آتیٹی ودکی و واپاری بشخ اٹی پین گام
گیج کننگ نا گرج ءِ۔
اوپارے کہ واپار نا مون آ دننگ کن ساڑی آ منڈی تیان بیدس پوسکنا منڈی تے پٹنگے تانکہ ننا واپاری کچ اٹی ودکی مننگ کے۔
صدر مملکت پارے کہ برآمد کنندگان و پوریا گر تا ویل آتا ایسری نا کنڈا پبی توجوہ تننگے۔ اوپارے کہ پوریا گربرادری ءِ آسراتی فراوان کننگ کن گام گیج کننگے۔
داوخت آ بنجائی وزیر واپار انجینئر خرم دستگیر خان صدر مملکت ءِ تیناوزارت آن بابت بریفنگ تس۔