سیاست ءَ شائستگی، بردباری ءُُ تحمل ءُُ برداشتءِ دامن دست ءَ یل دئیگ مہ لوٹیت، سر وزیر بلوچستان نواب ثناء اللہ خان زہری

کوئٹہ۔(پاکستان نیوز پوائنٹ 19ستمبر 2016ء) سر وزیر بلوچستان نواب ثناء اللہ خان زہری ءَ گشتگ انتکہ سیاست ءَ شائستگی ، بردباری ءُُ تحمل ءُُ برداشت ءِ دامن دست ءَ یل دئیگ مہ لوٹیت کجام مردم سیاسی دود ءُُ ربیدگ آں پامال کنگ ءَ غیر پارلیمانی ءُُ غیر اخلاقی زبان کار مرز کنگ انت اُلس آھاں آؤکیں گچینکاری ءَ رد بہ کنت۔

رائیونڈ مارچ ءَ حکومت ءَ ھچ ھترہ نیست، لہتیں منچل آں یکجا کنگ ءَ ءُُ تقریر کنگ ءَ مارچ کنوک واپس کائینت۔ اے ھیال آنی درشانی آئی ءَ میڈیا ءِ نمائندگ آں گوں غیر رسمی گپ ءُُ تران کنگ ءَ کرتگ آھاں دو شمبے ءِ روچ آئی گوں گند ءُُ نند کرت انت۔

اسپیکر صوبائی اسمبلی بانک راحیلہ حمید خان درانی، باسک صوبائی اسمبلی میر عاصم خان کرد گیلو، بانک معصومہ حیات ءُُ مسلم لیگ (ن) ءِ صوبائی راھشون میر عرفان کرد ہم اے موہ ءَ ھوار ات۔

سر وزیر ءِ گشگ ات کہ

سیاست ءُُ کرکٹ ءِ میدان ءَ باز پرک است انت۔ المی نہ انتکہ یک شریں لیبی یک شریں سیاستدان ہم ثابت بہ بیت، سیاستدان ءِ ھاترءَ تحمل، برداشتءُُ شائستگی بنیاتی عنصر است انت کہ آ مہلوک دھرنا ءُُ نعرہ ءِ سیاست ءِ ذریعہ ءَ دیمروی ءِ کار دارگ لوٹیت آھاں مایوسی بیت، سر وزیر ءَ گشتگ کہ آ نعرہ آنی سیاست ءِ سرا یقین نہ دار انت۔

اللہ ءَ آھاں صوبہ ءُُ ادے اُلس ءِ ھاتر ءَ چیزے کنگ ءِ موہ داتگ انت آئی ءَ آ پدا پورا پائدگ زورگ ءَ وتی عہد ءِ سرا عمل کنگ ءَ نشان بہ دئینت۔

آئی ءَ گشتگ کہ کوئٹہ وھیل ءَ شہید بوؤکیں وکیل آنی پد منتگیں ھاندان ءِ درد آ دل ءَ محسوس کنت۔ آئیء َ شہید آنی وارث آنی ھاتر ءَ کجام تاریخی پیکج ءِ جار جتگ انت ایشی سرا عمل کنگ ءِ بندات بوتگ انت شہید آنی زاھگ آں روزگار ءُُ وانگ ءِ موہ دئیگ ءَ انت آھاں یک ہم جاور در بدر بوھگ ءَ یل نہ دیاں۔