زینب ء ِ کشندہ عمران ءَ لس مردمانی دیمء َپاہوء ِدئیگء ِدزبندی ء ِ سراگوشداری

لاہور (پاکستان نیوزپوائنٹ 21 فروری2018ء) لاہور آمیدگس ءَ زینب کوش کیس ء ِ مجرم عمران ءَ لس مردم ء ِ دیم ءَ پاہوءَ درنجگ ء ِ دزبندی وہد ءُْ چہ پیش گشت۔

لاہور آمیدگس ءَ زینب کوش کیس ء ِ مجرم عمران ءَ لس مردمانی دیم ءَ پاھو ء ِ درنجگ ء ِ ھلاپ جم کتگیں دزبندی ء ِ سرا گوشدارگ بوت۔

جسٹس صداقت علی خان ء ِ سروکی ءَ 2 باسکی بینچ ءَ ایڈووکیٹ اشتیاق چوہدری ء ِ درخواست ء ِ سرا گوشدارگ بوت۔درخواست ءَ لیکہ چست کنگ بوتگ کہ مجرم عمران ءَ انچیں جاھے ءَ پاھو ءَ درنجگ بہ بیت کہ اود ءَ زینب ءِ جون رستگ ات ، مجرم عمران ءَ پاہو ء ِ ھاترا قانود ءَ رد ءُْ بدلی ء ِ ضلورت نہ انت۔

مجرم عمران ءَ ناشرکاری ء ِ گرودار ء ِ ایکٹ ء ِ دفعہ 22 ء ِ رد ء َ سرعام ( لس مردمانی دیم ءَ ) درنجگ بہ بیت امیدگس ء ِ ریمارکس ءَ گوشگ بوتگ

مجرم عمران ء ِ گورا دزبندی ء ِ 3 فورم است انت وہدے کہ مجرم ء ِ درستیں اپیل رد بہ بنت داں ھما وہدا پاہو ء ِ پرمان ء ِ سرا عمل کنگ نہ بیت۔

گیر ارگ بہ بیت زینب کوش کیس ء ِ مجرم علی عمران ءَ وتی سزا ء ِ ھلاپ ہائی کورٹ ءَ اپیل جم کتگ ات چہ آئی ءَ مجرم عمران خان ء ِ گوشگ انت۔

ناشرکاری ء ِ گرودار ء ِ عدالت ءَ فیصلہ اشتاپی ءَ کنگ بہ بیت وہدے کہ ٹرائل کورٹ ءَ اے وہداں قانودی راھبند پیلو نہ کتگ انت۔

مجرم ءَ اپیل ءَ دیمترا دزبندی ء ِ ناشرکار ی ء ِ عدالت ء ِ فیصلہ بندش جتگیں گوشتگ گیر ارگ بہ بیت کہ 17 فروری 2018 ءَ لاہور ء ِ ناشرکاری امیدگس( اے ٹی سی )پنجاب ء ِ ضلع قصور ء ِ زینب ء ِ کشگ ء ِ جرم ءَ عمران علی ء ِ ھلاپ4 بر ءَ سزائے مرگ ،داں زندءُْ 7 سال کیز ءَ ابید 41 لکھ ملام ء ِ فیصلہ اشکنائینتگ۔

(ن۔ا۔ج)