ڈاکٹر عمران فاروق خون کیس انا ہر مسٹ آ دوبہ دار آتا جوڈیشل ریمانڈ اٹی چانڑدہ دے نا ودیکی، ایف آئی اے ءِ پراسیکیوٹر تعینات کننگ نا پارت

اسلام آباد(پاکستان نیوز پوائنٹ 08ستمبر 2016ء) انسداد دہشت گردی نا عدالت ڈاکٹر عمران فاروق خون کیس انا ہر مسٹ آ دوبہ دار آتا جوڈیشل ریمانڈ اٹی چانڑدہ دے نا ودیکی کرسا ایف آئی اے ءِ پراسیکیوٹر تعینات کننگ نا پارت کرینے۔

عدالت دوبہ دار خالد شمیم نا درخواست ضمانت آ ایف آئی اے ءِ نوٹس جاری کرینے۔ اسلام آباد نا انسداد دہشت گردی نا عدالت نا جج سید کوثر عباس زیدی ڈاکٹر عمران فاروق خون کیس انا سماعت ءِ کرے۔

سماعت نا وخت آ وکیل ذیشان چیمہ درخواست

ضمانت ہم دائر کرے ہراڑآ فاضل جج ایف آئی اے نا تفتیشی آفیسر چوہدری شہزاد ظفر تون استفسار کرے کہ مقدمہ ٹی داوخت اسکان پراسیکوٹر انت اسے کن تعینات کننگ تنے، ہراڑآ تفتیشی افسر عدالت ءِ پارے کہ وزارت داخلہ ٹی پن گدریفنگاسس ولے او پن تے مسترد کرینے ہراڑآ عدالت برہمی نا درشانی ءِ کرسا ریمارکس تس کہ انتئے ڈی جی ایف آئی اے ءِ بٹنگسا ہرفنگے۔

عدالت ہرمسٹ آ دوبہ دار آتا جوڈیشل ریمانڈ اٹی چانڑدہ دے نا ودیکی کرسا سماعت ءِ 22ستمبر اسکان ملتوی کرے۔