قومی اسمبلی ٹی بنگلہ دیش اٹی میر قاسم ءِ پاہو تننگ نا برخلاف مذمتی قرارداد منظور
اسلام آباد(پاکستان نیوز پوائنٹ 07ستمبر 2016ء) قومی اسمبلی بنگلہ دیش اٹی میر قاسم ءِ پاہو تننگ نا برخلاف مذمتی قرارداد منظور کرے ہراٹی بنگلہ دیشی حکومت آ زورشاغنگانے کہ پاکستان نا مخ تفی ءِ کننگ نادوبہ ٹی خلقت آتے پاہو تننگ نا چرجوئی ءِ بند کننگے۔
چارشنبے آ قومی اسمبلی نا دیوان اٹی جماعت اسلامی نا باسک شیر اکبر خان قرارداد اتنگ کن قواعد و ضوابط نا تعلقدار قواعد معطل کننگے۔
ایوان آن
تحریک نا منظوری آن پد شیر اکبر خان قرارداد ءِ پیش کرے کہ دا ایوان بنگلہ دیش حکومت نا کنڈآن قاسم علی ءِ 1971ء ٹی پاکستان نا مخ تفی کننگ نا دوبہ ٹی پاہونا ذریعہ خون ءِ کننگ نا ترندی اٹ مذمت ءِ کیک و بنگلہ دیش حکومت آ زورشاغک کہ دا چرجوئی ءِ بند کننگے۔
داایوان جہانی برادری آ زورشاغک کہ او انسانی حق انا داخلاف ورزی تے بند کرفنگ کن تینا کڑد ءِ ادا کے۔ قومی اسمبلی قرارداد نامنظوری ءِ تس۔