اورنج لائن میٹرو ٹرین منصو بہ ھمک روچی 2لکھ مسافرآنا ں میاں اوستمانی ترز ءِ سفری آسراتی پھجارین اِت، خواجہ احمد حسن

اسلام آباد(پاکستان نیوزپوائنٹ 11دسمبر2017ء) اسٹیئرنگ کمیٹی ء ُ اورنج لائن میٹروٹرین منصوبہءِ چیئرمین خواجہ احمد حسن ءَ گشتگ کہ پاکستانی مسلم لیگ (ن) ءِ پنجاپ حکومت لھس مھلوک ءَ را دگہ آسراتی آں ھوار گہتریں سفری آسراتی پھجارینگءِ ھاترءَ کوشت کنگءَ اِنت۔

دوشمبے ءِ روچءَ پاکستان ٹیلی ویژن ءَ گوں گپ ء ُ تران کنانءَ آئیءَ گشتگ کہ اورنج لائن میٹروٹرین منصوبہ روچے 2لکھ ءَ چہ گیش مسافر آناں میاں اوستمانی ترزءِ سفری آسراتی پھجارین ایت۔

اے ھوالگءَ آئی ءَ مزن شاہ آمید گس ءِ پیسلہ ءَ را ساڑاتگء ُ گشتگ کہ ایشیءَ چہ منصوبہ ءَ راسرجم کنگءِ راھ تچک بنت۔

آئی ءَ گشتگ کہ پنجاپءِ سروزیر محمد شہباز شریف ءَ دیمروئی منصوبہ ءَ را وھدءِ سرءَ سرجم کتگ، اورنج لائن ٹرین منصوبہ ءِ ھلاپ بوھوک ایشیءِ دیری ءِ سوب اَنت بلے مہ جزم کتگ کہ اے منصوبہ ءَ را وھدءِ سرءَ سرجم کن اَنت۔

یک جستے ءِ پسوءَ آئیءَ گشتگ کہ اے بدبھتی اِنت کہ لھتیں مردم اے راجیک منصوبہ آنی سرءَ ھم سیاست کنگ ءَ اَنت۔