وزیر مملکت برائے اھوالکاری ءُُ شنگ کاری ءُُ راجی مڈی مریم اورنگزیب ءِ کیاسگری آمید گس ءِ ڈن ءَ رسانک دار آں گوں تران

اسلام آباد(پاکستان نیوزپوائنٹ 05دسمبر2017ء) وزیر مملکت برائے اھوالکاری ءُُ شنگ کاری ءُُ راجی مڈی مریم اورنگزیب ءَ گوشت کہ یک نیمگ ءِ مسلم لیگ (ن) ءُُ محمد نواز شریف ءِ ملک ءَ چہ کوراسی آنی ھلاسی ءِ کول ءُُ کرار آنی سرجمی ءُُ دومی نیمگ ءَ پارلیمنٹ ءُُ ادارگ آناں زاھ ءُُ بد دیوک انوگ ءَ تاں کنٹینر ءِ سرءَ اوشتاتگ ءُُ انوگ ءَ تاں ھمازبان ءَ کارمرد کنگ ءَ اِنت۔

دو شمبے ءَ اسلام آباد ءَ کیاسگری آمید گس ءِ ڈن ءَ تران کنان ءَ وزیر ءِ مملکت ءَ گوشت کہ پیسریگیں مزن وزیر محمد نواز شریف ءُُ مسلم لیگ (ن) ءَ وطن ءَ را چہ کوراسی آنی تہءَ در کنگ ءِ سوگند کتگ بوتگ ءُُ زیک شما اِشکت کہ لوڈشیڈنگ ءِ جار جنگ بوتگ ءُُ اے سوگند سرجم کنگ بوتگ ۔

ھمینچو پاور جنریشن مسلم لیگ (ن) ءِ اے دور ءُُ باریگ ءَ بوتگ راجدپتر ءَ ایشی ءِ درور نہ رسیت۔ آئیءَ گوشت کہ دسمبر 2013ءَ

توان ءِ پیداک بوھگ 9279میگاواٹ بوتگ وھدیکہ توان ءِ لوٹ 11ہزار 799میگاواٹ بوتگ، دسمبر 2017ءَ توان ءِ پیداک بوگ 16 ہزار 477میگاواٹ اِنت وھدیکہ توان ءِ ھواریں رنگ ءَ لوٹ 14ہزار 17میگاواٹ اِنت۔

آئیءَ گوشت کہ چار سال ءِ ساھت ءَ ملک ءَ توان ءِ پیداک بوھگ ءَ 7465میگاواٹ ءِ گیشی کنگ بوتگ۔ وزیر ءِ مملکت مریم اورنگزیب ءَ گوشت کہ وھد ءِ کہ ما پاور پراجیکٹس جنگ ءَ اتنت گڈا یک مردم ءِ ”دھرنا“ دیگ ءَ اَت، آ کنٹینر ءِ سرءَ اوشتاتگ اَت، آ پارلیمنٹ ءِ سرءَ اُرش کنگ ءَ اَت، آ اسلام آباد ءَ را لاک ڈاؤن کنگءِ گپ ءَ کنگ ءَ اَت، آ ادارگ ءُُ کانود ءَ ارا زاھ ءُُ بد دیگ ءَ اَت۔

مرچی ھم ھما مردم ھما رنگ ءَ کنٹینر ءِ سرءَ اوشتاتگ ءُُ ھما زبان ءَ کارمرد کنگ ءَ اِنتت ءُُ دومی نیمگ ءَ مسلم لیگ (ن) ءُُ محمد نواز شریف ءِ راج ءَ گوں کتگیں کول ءُُ کرار آنی سرجمی بوھگ ءَ اِنت۔