سی پیک نا پوروی دہشت گردی نا برخلاف جنگ آن زہمی پاکستان کن روشنا آخبت نا نوید ءِ، دنیا ٹی جاری غٹ آن بھلا شونداری ڈٹ پاکستان ءِ ترند رفتار اقتصادی شون نا کسر آ دیک، پلاننگ کمیشن

اسلام آباد (پاکستان نیوز پوائنٹ 26اگست 2016ء) سی پیک ڈٹ دنیا ٹی جاری غٹ آن بھلا شونداری ڈٹ ءِ ، 46 ارب ڈالر مالیت نا پاک چین اقتصادی راہداری ڈٹ پاکستان ءِ ترند رفتار اقتصادی شون نا شاہراہ غا دیک، سریس، بھلن و رکھوک سڑک، توانائی نا ڈٹ، انڈسٹریل پارکس و گوادر بندرگاہ نا ڈٹ، ہرانا پوروی دہشت گردی نا برخلاف جنگ آن زہمی پاکستان کن روشنا آخبت نا نوید ءِ۔

پلاننگ کمیشن نا دستاویزات آتا رداٹ بنجائی حکومت مالی سال 2016-17 نا سرکاری بشخ انا شونداری پروگرام اٹی وزارت مواصلات نا 84 ڈٹ آتے کن اسہ کھرب 93 ارب 28 کروڑ 52لکھ 65ہزار روپئی جتا کرینے۔

پلاننگ کمیشن نا برجاء کروک حساب وکتاب نا رداٹ حکومت لیاری ایکسپریس وے 17 کلو میٹر، گوادر۔تربت۔خوشاب200 کلو میٹر موٹروے سیکشن، 892 کلو میٹر رتو ڈیرو بشمول خضدار ، شہداد کوٹ رتوڈیرو 143 کلومیٹر ایم 8 ڈٹ ہرا بلوچستان اٹی گوادر تربت ، خضدار ، سندھ اٹی قمبر شہداد کوٹ و لاڑکانہ سیکشن آتیا تالان ءِ۔

ہنداوڑ ڈیرہ اسماعیل خان موٹروے ایم ون نا برہان آن ہکلہ سیکشن نا جوڑ جاڑ دا ڈٹ پاک چین اقتصادی راہداری ڈٹ انا بشخ ءِ۔

این

85 شہاب ناگ و بسیمہ سہراب 459 کلومیٹر خضدار پنجگور روڈ انا ودیکی، ژوب مغل کوٹ 81کلومیٹر روڈ ، بسیمہ ۔خضدار روڈ 110 کلومیٹر، اسلام آباد ، میانوالی ، ڈیرہ اسماعیل خان روٹ، ایم 8 تون اوار کیہی روڈ آتا جوڑ جاڑ، این 85 نا ودیکی و گچینی کن ، این 50 کن ، برہان ۔

حویلیاں ایکسپریس وے، 120 کلومیٹر تھاہ کوٹ۔ حویلیاں روڈ انا جوڑ جاڑ، ژوب۔مغل کوٹ روڈ انا جوڑ جاڑ اوارے۔ اقتصادی راہداری ہڑتوم آ ملک آتا نیام اٹ اہم بشخ آتیٹی کمکاری آ مبنی گام گیج و ڈٹ آتا جامع پیکج ءِ۔

ہراٹی اطلاعات نیٹ ورک ، بنداوی ڈھانچہ، توانائی، صنعتیں ، کشت وکشار، سیل و سوات و کیہی ایلو بشخ آک اوارو۔ اندازہ خلنگ مریک کہ پاک چین کمکاری نا مندرجہ بالا ڈٹ آتا پوروی آن پاکستان شون نا کسر آ اخس سنگ میل ءِ عبور کیک۔

ہراتم داڈٹ آک ایسری اسکان رسینگرہ تو انشاء اللہ اسہ بدلینگوک ءُ پاکستان اس مون آ بریک ہرانا الس ءِ توانائی ، مواصلات، ہن و بر ، صنعت و حرفت، کاروبار روزگار، سیل و سوات و بے شمار اقتصادی شون نا آسراتی و وارخواہی دو بریک و پاکستان اقوام عالم اٹی شون ہلوک ملک آتا صف اٹی سلک۔