نیشنل ایکشن پلان آ عملدرآمد آ پیش رفت نا جاچ اکن وزیراعظم محمدنواز شریف نا کماشی ٹی دیوان وزیراعظم نا جتا صوبائی و بنجائی ایجنسی تا کنڈآن نیشنل ایکشن پلان آ عملدرآمد اٹی پیش رفت آ است جمی نا درشان ، عمل ءِ پین ترند کننگ نا پارت

اسلام آباد(پاکستان نیوز پوائنٹ 24اگست 2016ء) وزیراعظم محمد نوازشریف جتا صوبائی و بنجائی ایجنسی تا کنڈآن نیشنل ایکشن پلان آ عملدرآمد اٹی پیش رفت آ است جمی نا درشانی ءِ کرسا داعمل ءِ پین ترند کننگ نا پارت کرینے، نیشنل ایکشن پلان آ عملدرآمد آ پیش رفت نا جاچ اکن چارشنبے آ وزیراعظم محمدنواز شریف نا کماشی ٹی وزیراعظم ہاؤس اٹی دیوان اس اڈ ہلک۔

دیوان دا عزم انا درشانی ءِ کرے کہ دہشت گردی نا لعنت نا چٹفنگ نہ تو چوائس و نہ ہی آپشن بلکن دا ننا وجود و بقاء کن المی ءِ۔

وزیراعظم آفس نا کنڈآن برجاء بیان نارداٹ دیوان اٹی انسداد دہشت گردی نا کوشست آتیان بابت کیہی کانود آتا ہم جاچ ءِ ہلنگا و او کانود آتے زیات موثر جوڑ کننگ نا وڑوڈول آتیا ہم غور کننگا۔

قومی سلامتی سلاہکار و نیشنل ایکشن پلان نا عملدرآمدی و جاچ

کمیٹی نا کنوینر لیفٹیننٹ جنرل (ر) ناصر خان جنجوعہ نیشنل ایکشن پلان نا کیہی اجزا ء تا بابت آن عملدرآمد نا حالیت آتا بارواٹی پریزنٹیشن تس۔

وزیراعظم داوخت اسکان جتا صوبائی و بنجائی ایجنسی تا کنڈآن مروک آ پیش رفت آ است جمی نا درشانی ءِ کرسا پارت کرے کہ عملدرآمد نا رفتار ءِ پین ترند کننگے۔

فاٹا اصلاحات کمیٹی نا کنڈآن وزیراعظم ءِ پیش کروک رپورٹ آ ہم درشان خیال مس و دافیصلہ کننگا کہ کمیٹی نا سفارشات آتیا قومی اتفاق رائے وضع کننگ کن پین شرہ و شراہ کن دا رپورٹ ءِ لس کننگک۔

دیوان اٹی وزیر خزانہ اسحاق ڈار ، وزیر داخلہ چوہدری نثارعلی خان ، چیف آف آرمی اسٹاف جنرل راحیل شریف ، وزیراعظم نا سلاہکار خارجہ امور سرتاج عزیز، ڈی جی آئی ایس آئی لیفٹیننٹ جنرل رضوان اختر و ایلوسینئر کمامدارآک شرکت کریر۔