ایم کیو ایم نا راہشون آتا کنڈآن صفائی پیش کننگ نا ویل چٹپک، ایم کیو ایم نا سروک آتے تینٹ تولسا پارٹی ءِ چلیفنگ نا وڑوڈول اس طے کروئی مریک پنی جاچکار حسن عسکری نانجی ٹی وی تون ہیت وگپ

اسلام آباد(پاکستان نیوز پوائنٹ 23اگست 2016ء) پنی جاچکار حسن عسکری پارینے کہ ایم کیو ایم نا راہشون آتا کنڈآن صفائی پیش کننگ آن ویل چٹپک ، ایم کیو ایم نا سروک آتے تینٹ تولسا پارٹی ءِ چلیفنگ نا وڑوڈول اس طے کروئی مریک۔

نجی ٹی وی چینل تون ہیت وگپ کرسا اوپارے کہ کراچی ٹی میڈیا ہاؤس آتیا جلہو نا واضح ثبوت ملانے۔ ایم کیو ایم نا سروک آتے تینٹ تولسا دا فیصلہ ءِ کروئی مریک کہ پارٹی ءِ امہ چلیفوئی ءِ۔

اوپارے کہ داساوخت اف کہ اودے بیدادی نا کسر آ ہلوئی مریک

و دا عنصر آتیان ہم جان ءِ کشوئی مریک ہراڑآن اودے نسخان رسینگ انگ ءِ ۔

اوپارے کہ داسا پارٹی نا تہہ ٹی بنداوی بدلی تا وخت بسنے۔ حسن عسکری پارے کہ ایم کیو ایم سروکی ءِ بدل کننگ آن بیدس حالیت آتیان پیشن پیش تمنگ کپک۔

اوپارے کہ تدوک آ دے پیش بروک آ واقعہ آن گڈ دننگا بیان تے بنسا افسوز مسکہ ہراٹی میڈیا غا بروک آ ایم کیو ایم نا منہ راہشون پارہ کہ نن تون بیدادی مننگ ءِ۔

ایم کیو ایم ءِ سیاسی پٹ اٹی سلنگ کن تینا سروکی ٹی بنداوی تبدیلی اس اتوئی مریک۔