جنرل راحیل شریف نا پاک اوغان سیم۔ انا خڑک خیبر ایجنسی نا سخت انگا و بڑزانگا مشی آ علاقہ غاتیٹی پاک فوج انا سرسہب آپریشن آ است جمی نا درشان دہشت گرد آتا ہن و بر ءِ پوروی اٹ توننگ کن سیکورٹی ءِ پین چوکس و فعال جوڑ کننگےجنرل راحیل شریف نا پاک اوغان سیم انا خڑک خیبر ایجنسی ٹی مون نا مورچہ غاتا دورہ نا وخت آ ہیت وگپ

راولپنڈی(پاکستان نیوز پوائنٹ 19اگست 2016ء) بری فوج انا سروک جنرل راحیل شریف پاک اوغان سیم نا خڑک خیبر ایجنسی نا دشوار گذار و بڑزانگا مشی آ علاقہ غاتیٹی پاک فوج انا سرسہب آپریشن آ است جمی نا درشانی ءِ کرسا پارت تسنے کہ دہشت گرد آتا ہن و بر ءِ پوروی وڑاٹ توننگ کن سیکورٹی ءِ پین چوکس و فعال جوڑ کننگے۔

او جمعہ آ پاک اوغان سیم انا خڑک خیبر ایجنسی ٹی دہشت گرد آتا برخلاف آپریشن کن اڈ تروک مون آ مورچہ غاتا دورہ نا وخت آ ہیت وگپ کریکہ۔

پاک فوج انا شعبہ تعلقات عامہ (آئی ایس پی آر) نا رداٹ آرمی چیف مچ آ دے ءِ خیبر ایجنسی ٹی گدریفے۔ آپریشنل کمانڈر آرمی چیف ءِ خیبر پختونخواٹی مروک آ سرسہب آپریشن نا بابت آن سرجم احوال تس۔

آرمی چیف خیبر ایجنسی خیبر ایجنسی ٹی دہشت گرد آتا برخلاف

سرسہب آپریشن آ پاک فوج انا کسبی کاریم و عزم انا ستاءِ کرے۔

راجگال نا بے کچ سخت انگا مشی آ کسرتے دہشت گرد سیم انا ہڑتوم آ کنڈ آرہینگ انگ کن کاریم اٹ ایسورہ۔ دا علاقہ ءِ دہشت گرد آتیان صاف کننگ دا ہیت انا مظہر ءِ کہ پاکستان سیم پار ہن و بر نا توننگ کن پرعزم ءُ و سیمی انتظام اٹی کمک کن کمکار مریک۔

فوجی ورناتتون ہیت وگپ کرسا آرمی چیف پارے کہ دہشت گردی نا مقابلہ ءِ کننگ کن مچ آ قوم و بہادر فوج بھلو قیمت اس ادا کرینو و نن دہشت گرد آتا پوروی اٹ چٹفنگ، اودیم ٹھکانہ و سلیپر سیل ءِ ختم کننگ کن غٹ تر کوشست آتے کاریم اٹ اتنگ کن پرعزم اُن۔

آرمی چیف جنرل راحیل شریف ہراتم خیبر ایجنسی ٹی مون آ مورچہ غا سرمس تو کورکمانڈر پشاور لیفٹیننٹ جنرل ہدایت الرحمان اونا خیر مقدم ءِ کرے۔