گورنر پنجاب رفیق احمد رجوانہ ءِ کوئٹہ آھگ، گورنر بلوچستانءِ ہمراہ چیف جسٹس بلوچستان ہائی کورٹ ءِ گوں گندءُُ نند ءُُ کوئٹہ وھیل ءِ سرا دلپدردی ءِ درشانی
کوئٹہ(پاکستان نیوز پوائنٹ 19اگست 2016ء) گورنر پنجاب رفیق احمد رجوانہ جمعہ ءَ کوئٹہ ءِ کمیں تر ءُُ تابءَ سر بوتگ اودا آئی ءَ گورنر بلوچستان محمد خان اچکزئی ءِ ہمراہ چیف جسٹس ہائی کورٹ جسٹس محمد نور مسکانزئی ءِ گوں گند ءُُ نند کرتگ ءُُ وھیل کوئٹہ ءِ سرا دلی اپسوز ءُُ ہمدردی ءِ درشانی کرتگ۔
آئی ءَ اے موہ ءَ سول ہسپتال بمب تراک ءَ شہید بوؤک آنی ھاترءَ دلپدردی ءُُ فاتحہ وانی کرتگ۔ پدا گورنرپنجاب رفیق احمد رجوانہ ءَ بلوچستان بار ایسو سی ایشن ءِ سینئر وکیل آں ہم
گند ءُُ نند کرت انت ءُُ آھاں وکیل آنی شہادت ءِ سرا دل اپسوز ءُُ ہمدردی ءِ درشانی کرتگ اے موہ ءَ گورنر پنجاب ءَ گشتگ کہ کوئٹہ وھیل ءِ سرا درستیں راج سوگوار انت۔
اے المناک وھیل ءَ ماں کل آں دکھی کرتگ انت گورنر پنجاب ءَ کوئٹہ وھیل ءِ شہید آنی روح ءِ ایصال ءِ ثواب ءِ ھاترءَ فاتحہ وانی ءُُ دلپدری ہم کرتگ۔
پدا گورنر پنجاب کراچی روان بوتگ گڑا گورنر بلوچستان محمد خان اچکزئی ءُُ سر وزیر بلوچستان نواب ثناء اللہ خان زہری ءَ آئی ءَ ایئر پورٹ ءَ رخصت کرت انت۔