پاک چین اقتصادی راہداری منصوبگ ءِ سر ءَ دیمروئی کار دل یکیمی اَنت، اے منصوبگ چین ءِ صدرشی جن پنگ ءِ ون بیلٹ ون روڈ پروگرام ءِ بھر اِت ءُُ دوئیں ملک آنی راجدپتری دوستی ءِ دور ور اِت چین ءَ پاکستان ءِ سفیر مسعود خالد ءِ چینی میڈیا ءَ را گلگدار

اسلام آباد (پاکستان نیوزپوائنٹ17اگست2017ء) چین ءَ پاکستان ءِ سفیرمسعود خالد ءَ چین پاکستان اقتصادی راہداری ءِ منصوبگ آنی سر ءَ دیمروئی کار آنی بابت ءَ دل یکیمی ءِ درشان کتگ۔

چینی میڈیا ءَ را گلگدار دیان ءَ آئی ءَ گوشت کہ دوئیں ھمساگ ءُُ دوستیں ملک آنی نیام ءَ ھاٹیگ، بنیاتی کوکا ءُُ صنعتی آباتی ءِ مچ کنگ ءِ شوبگ ءَ کمک ود اِتگ۔

آئی ءَ گوشت کہ 2015ءِ سی پیک منصوبگ ءِ سسرءَ کار ءِ بندات ءَ تاں بگر انوگ ءَ تاں کار دل یکیمی رنگ ءَ بوھگ ءَ اِنت۔

دوئیں ملک آں توان، ھاٹیگ، بنیاتی کوکا، جوڑیشت، دِکہ ءِ دیمروئی ءُُ صنعتی بُنجاھ جوڑ کنگ ءِ شوبگ ءَ کمک ءَ را ودینتگ ایشی ءَ سبب

ءَ جوانیں آسر دیم ءَ آیگ ءَ اَنت۔

آئی ءَ گوشت کہ سی پیک منصوبگ ءَ چہ دوئیں ملک یک ءِ دومیگ ءِ گوما گیش نزیک ءَ اتکگ انت ءُُ آیکویں روچ آں ایشی ءَ نپ ءُُ سیت ءَ دوئیں ملک آنی اُلس ءَ را رس انت۔

آئی ءَ گوشت کہ سی پیک چین ءِ صدرشی جن پنگ ءِ ون بیلٹ ون روڈ پروگرام ءِ المی ایں بھر اِت ءُُ پاک چین ءِ راجدپتری درور اِت۔

آئی ءَ گوشت کہ گوستگیں سے سال آنی تہءَ پاکستان ءَ بازیں شوبگ آنی تہ ءَ دیمروئی بوتگ، ایمنی ءِ جاور ھال آنی تہءَ مزنیں کساس ءَ گہتری اتکگ، معیشیت ءَ را دیمروئی رسگ ءَ اِنت وھدیکہ ھاٹیگ ءِ کمیگ ءَ را گر ءُُ دار کنگ ءِ ھاترا گامگیج یک شل ءَ جاڑی اِنت۔