عمران خان چشیں مردم ملک ءَ افراتفری ءِ سیاست لوٹ انت، وزیر مملکت برائے آپ ءُُ توان عابد شیر علی ءِ صحافی آں گوں گپءُُ تران
اسلام آباد(پاکستان نیوز پوائنٹ 18اگست 2016ء) وزیر مملکت برائے آپ ءُُ توان عابد شیر علی ءَ گشتگ انت کہ عمران خان چشیں مردم ملک ءَ افراتفری ءِ سیاست لوٹ انت آ وتی صوبہ ءَ اُلس ءِ ھذمت کنگ ءَ نا کار بوتگ انت ، خیبر پختونخوا ءَ درستیں ٹھیکہ جہانگیر ترین ءَ دات انت، 2018ءَ لوڈ شیڈنگ ءِ ھلاسی کنگ بہ بیت۔
آئی ءَ اے ھیال آنی درشانی پنچ شمبے ءَ صحافی آں گوں گپ ءُُ تران کنگ ءَ کرتگ۔ عابدشیر علی ءَ گشتگ کہ مزنیں دیمروی منصوبہ ءُُ در ملکی سرمایہ کاری ءَ زیات کنگ ءِ وجہ ءَ
مسلم لیگ (ن) ءِ مقبولیت زیات بوتگ انت۔
آزاد کشمیر ءُُ بلدیاتی گچینکاری ءَ واضح سر سوبی مسلم لیگ (ن) ءِ حکومت ءِ پالیسی ءِ سرا اُلس ءِ بھروسہ ءِ درشانی انت۔
آئی ءَ گشتگ کہ مسلم لیگ (ن)دیمروی ایجنڈا ءِ سرا عمل کنگ ءَ انت ءُُ ایشی ءَ وھد ءَ بد عنوانی ءِ یک ہم کیس دیما نہ آتکگ ۔
عابد شیر علی ءَ گشتگ کہ عمران خان چشیں مردم نوں ملک ءَ افراتفری پیداک کنگ لوٹ انت ءُُ وتی صوبہ ءَ اُلس ءِ ھذمت کنگ ءَ نا کار بوھگ ءَ پد نوں وتی نام بچائینگ ءِ بہانہ پٹگ ءَ انت۔