چوہدری نثار علی خان ءَ گوں چین ءِ سفیر ءِ گند ءُُ نند، کوئٹہ ءَ بوتگیں ناشرکاری ءِ مزمت ، گران بہائیں بنی آدم آنی جانی تاوان ءِ سر ءَ جھلانکیں گم ءُُ اندو ءِ درشان

اسلام آباد(پاکستان نیوزپوائنٹ 15 اگست2016ء) تہی کارانی وزیر چوہدری نثار علی خان ءَ گوں چین ءِ سفیر سن وی ڈانگ ءَ دو شمبے ءِ روچ ءَ گند ءُُ نند کُت۔

چین ءِ سفیر ءَ کوئٹہ ءَ بوتگیں ناشرکاری ءِ واکیہ ءَ را مزمت کُت ءُُ گران بہائیں بنی آدم آنی جانی تاوان ءِ سر ءَ جھلانکیں گم ءُُ اندو ءِ درشان کُت۔

تہی کارانی وزارت ءِ نیمگ ءَ چہ جاڑی بوتگیں ھال آنی رد ءَ چینی سفیر ءَ گوشتگ کہ ناشرکاری ءِ ھلاپ ءَ جنگ ءَ چینی حکومت ءُُ اُلس وتی پاکستانی برات آنی گوما ھم گام اَنت۔

چین ءِ

سرڈگار ایمنی ءِ ھاترا پاکستانی جُہد ءُُ کوشست آنی ساڑا ءَ کنت۔ چینی سفیر ءَ گوشت کہ چین ءُُ پاکستان ءِ کوھنیں ءُُ بے مٹیں یکوئی دُژمن آنی پریشانی ءِ سبب اِنت پدا ھم اِچ زور ایشانی رکاوٹ بوت نہ کنت۔

تہی کار آنی وزیر چوہدری نثار علی خان ءَ گوشت کہ دوئیں ملک آنی سٹرٹیجک سیادی دمگ ءِ تہءَ ایمنی ءِ درور اَنت۔ آئی ءَ گوشت کہ پاکستان سی پیک منصوبگ ءَ را زوت سرجمی ءَ سر کنگ ءَ دلیکیم اِنت۔

چینی انجینئرز ءُُ کارندہ آنی سیکیورٹی ءَ را دل یکیم کنگ مئے بنداتی ترجی اِنت۔