اسلام آباد (پاکستان نیوزپوائنٹ 15 اگست2016ء) پاکستان مسلم لیگ (ن) نا راہشون عاصمہ ممدوٹ پارینے کہ پاکستانی نیاڑیک ملک انا امن وایمنی و شونہالی کن اہم کڑد ادا کننگ ءُ۔
ریڈیو پاکستان تون ہیت وگپ کرسا اوپارے کہ او جشن آجوئی ءِ پرامن وڑاٹ اڈتننگ آ مچ آ قوم ءِ مبارکباد پیش کیوہ۔ اونیاڑی تا کڑد ءِ خراج تحسین پیش کرسا پارے کہ پاکستانی نیاڑیک ملک انا
امن و ایمنی و شونہالی کن اہم کڑد ادا کننگ ءُ۔
داوخت آ پاکستان مسلم لیگ (ن) نا راہشون چوہدری اسد الرحمان پارے کہ یوم آجوئی ءِ اڈتننگ نا بنداوی مقصد پاکستان تحریک آجوئی نا شہید آتا قربانی تے عقیدت پیش کننگ نا ءِ۔
اوپارے کہ قائد اعظم محمد علی جناح نا سروکی ٹی برصغیر نا مسلمان تا قربانی و جہد نا نتیجہ ٹی ننے پاکستان کون آ نعمت نصیب مسنے۔