طبی آسراتی تے پوسکن آ وڑوڈول آتیا کننگ کن 20 کروڑ روپئی جتا کرینے، وزیر مملکت سائرہ افضل تارڑ
اسلام آباد(پاکستان نیوزپوائنٹ 23مئ2017ء) وزارت نیشنل ہیلتھ سروسز ریگولیشن اینڈ کوآرڈینیشن طبی آسراتی تے پوسکن آ وڑوڈول آتیا کننگ و اوفتے باضابطہ و معیاری جوڑ کننگ کن 20 کروڑ روپئی جتا کرینے۔
وزیر مملکت سائرہ افضل تارڑ تینا اسہ انٹرویو اسے ٹی پارے کہ پاکستان مسلم لیگ ن نا حکومت تینا منشور نا رداٹ غٹ شاری تے جان جوڑی نا بنداوی آسراتی
تسکان رسینگ آ باور تخک ، دارداٹ یونیورسل ہیلتھ کوریج کن پبی سیاسی عزم ساڑی ءِ۔
اوپارے کہ 2013ء ٹی اقتدار اٹی بننگ آن پد وزیراعظم محمد نواز شریف غٹ شاری خاص کر نیزگار انگا خلقت ءِ جان جوڑی نا معیاری آسراتی فراوان کننگ کن خصوصی اولیت تسنے۔
سائرہ افضل تارڑ پارے کہ طبی ازباب آتا اندراج و باضابطہ معائنہ ءِ کننگ انگ ءِ ۔