قلعہ سیف اللہ ءَ 88کلومیٹر، شیرانی ءَ 51کلومیٹر دگ جوڈ کنگ بوھگءَ اِنت، صوبائی مواصلاتی پڑ
اسلام آباد(پاکستان نیوزپوائنٹ 22مئ2017ء) بلوچستان حکومت دورء ُ دراجءِ دمگانی مردماناں ھال رسانکی ءِ نوکیں ترزءِ آسراتی ءِ پھجاری ءِ ھاترءَ دراھیں گامگیجاں کارمرز کنگءَ اِنت۔
صوبائی ھال رسانکی پڑ ءِ محکمہ ءِ عہدگ دارءَ ریڈیو پاکستانءَ گوں گپء ُ تران کنانءَ ھال داتگ کہ صوبائی حکومت مردماناں ھال رسانکی ءِ نوک ترزیں آسراتی ءِ پھجاری ءِ ھاترءَ کوشست کنگءَ اِنت۔
اے منصوبہ ءِ ردءَ 470ملین کلدارءِ ھرچءَ چہ قلعہ سیف اللہ ءَ 88کلومیٹر دراج دگّ جوڈ کنگ بوھگءَ اِنت۔ وھدے کہ شیرانی ءِ دمگ ءَ 51کلومیٹر دگ جوڈ کنگ بوھگءَ اِنت کہ ایشی ءِ سرءَ 449ملین کلدارءِ ھرچ کیئت۔
صوبائی ھال رسانکی پڑ ءِ ادارگءَ گیش گشتگ کہ جھل مگسی ءِ دمگ ءَ 43کلومیٹر دراج دگّ ءِ جوڈ کنگءِ کار سرجم کنگ بوتگ کہ ایشی ءِ سرءَ 280ملین کلدارءِ ھرچ اَتگک ۔