وزیراعظم نا کمکار و وزیر مملکت کانود و انصاف بیرسٹر ظفراللہ نا کوئٹہ ٹی دھماکہ و سم کاری نا واقعہ نا ترندی اٹ مذمت
اسلام آباد (پاکستان نیوز پوائنٹ 08 اگست 2016ء) وزیراعظم نا کمکار و وزیر مملکت کانو د و انصاف بیرسٹر ظفراللہ کوئٹہ ٹی سول ہسپتال اٹی دھماکہ و سم کاری نا واقعہ نا ترندی اٹ مذمت ءِ کرینے ہرانا نتیجہ ٹی چندی بندغ آک تپاخت و ٹھپی مسر۔
تینا بیان اٹی اوپارے کہ دہشت گردی نا داواقعہ ٹی اوار بندغ آتے بے نقاب کننگک ہرا ملکی شون
اٹی اڑاند جوڑ مننگ ءُ ۔
اوپارے کہ داافسوزناک واقعہ اسے کہ دہشت گردآک ہسپتال ءِ نشانہ جوڑ کرینو ۔ اوپارے کہ مچ آ قوم وکلاء و صحافی برادری تتون یکجہتی نا درشانی ءِ کننگ ءُ۔
اودعا کرے کہ اللہ تعالیٰ تپاخت کروک آبندغ آتے جنت الفردوس اٹی جاگہ و پدسلوک آخاہوت آتے داصدمہ ءِ برداشت کننگ نا توفیق عطاء فرمائفے۔