برزی پنجاب، خیبر پختونخوا، سوات مالاکنڈ ہزارہ ڈویژن، فاٹاءُُ کشمیر ءِ بازیں دمگاں ترندیں گوات ءُُ گرند ءُُ گروک ءَ گوں ھور ءِ گمان

اسلام آباد (پاکستان نیوزپوائنٹ 2مئ2017ء) اسلام آباد ءُُ راولپنڈیِ ءَ ھوار ، برزی پنجاب، خیبر پختونخوا، سوات مالاکنڈ ہزارہ ڈویژن، فاٹا ءُُ کشمیر ءَ بازیں دمگاں ترندیں گوات ءُُ گرند ءُُ گروک ءَ گوں ھور ءِ گمان انت۔

وھدیکہ ملتان، ڈی جی خان ءُُ سرگودھا ڈویژن ءَ ترندیں گوات ،ملک ءِ ایدگہ دمگاں سندھ ءُُ گوریچانی بلوچستان ءَ موسم سک گرم بوھگ ءِ گمان انت۔

پی ٹی وی ءِ ردا پیسرگیں 24کلاکانی نیام ءَ اسلام آ باد ءُُ راولپنڈی ءَ ھوار برزی پنجاب ءِ چیز ءِ دمگاں ھور شنزگ ءَ انت، ملک ءِ دگہ دمگاں موسم ھُشک وھدیکہ

سندھ ءُُ جہلیں بلوچستان ءَ موسم سک گرم بوتگ۔

درستاں چہ گیش درجہ حرارت لسبیلا ءَ 46ڈگری سنٹی گریڈ ریکاٹ کنگ بوتگ۔ محکمہ موسمیات ءِ ردا آیوکیں 24 کلاکانی نیام ءَ اسلام آباد ءُُ راولپنڈیءَ ھوار، برزیں پنجاب، خیبر پختونخوا، سوات مالاکنڈ ہزارہ ڈویژن،ڈی جی خان، ڈی آئی خان فاٹا ءُُ کشمیر ءِ بازیں دمگ آنی سرا ترندیں گوات ءُُ گرند ءُُ گروک ءَ گوں ھور شنز ایت، وھدیکہ ملتان، ڈی جی خان ءُُ سرگودھا ڈویژن ءَ لوڑ ءُُ مج بیت، ملک ءِ دگہ دمگاں سندھ ءُُ گوریچانی بلوچستان ءَ موسم سک گرم بوھگ ءِ گمان انت۔