چیئرمین پبلک اکاؤنٹس کمیٹی نا ڈی جی پاکستان اسپورٹس بورڈ اختر نواز گنجیرا نا معطلی نا معاملہ نا نوٹس ہلنگ آن نہ من وزارت بین الصوبائی رابطہ ءِ جاست وپاستی عمل ءِ بایدے پورو کروئی مرے، ہراتم معاملہ پی اے سی اٹی بس تو ولدا ہُننگک، سید خورشید شاہ

اسلام آباد(پاکستان نیوز پوائنٹ 27اپریل2017ء) پبلک اکاؤنٹس کمیٹی نا چیئرمین سید خورشید احمد شاہ ڈائریکٹر جنرل پاکستان اسپورٹس بورڈ اختر نواز گنجیرا نا معطلی نا معاملہ غا نوٹس ہلنگ آن انکار کرسا پارینے کہ دا بابت آن اول وزارت بین الصوبائی رابطہ ءِ جاست وپاستی عمل ءِ بایدے پورو کروئی مرے، ہراتم معاملہ پی اے سی ٹی بس تو ولدا ہُننگک۔

پنچ شنبے نا دے پبلک اکاؤنٹس کمیٹی نا دیوان اٹی مسلم لیگ (ن) آن تعلق تخوک آ پی اے سی نا باسک شیخ روحیل اصغر پارے کہ بروک آ تُوانا بناء آ قومی گوازی نابناء مننگ والا ءِ۔

داوخت آ ڈائریکٹر جنرل پاکستان

اسپورٹس بورڈ اختر نواز گنجیرا ءِ انت اکن معطل کننگانے۔ سیکرٹری آئی پی سی امجد خان پارے کہ ڈی جی پاکستان اسپورٹس بورڈ ءِ اسٹیبلشمنٹ ڈویژن نا حکم آ معطل کننگانے و اونا برخلاف محکمانہ جاست وپاست نا بناء کننگ کن پاننگانے۔

اوپارے کہ چارج شیٹ نا جاچءِ ہلسا جاست وپاست نا بناءِ کینہ۔ پی اے سی نا چیئرمین سید خورشید احمد شاہ پارے کہ پی اے سی دا معاملہ نا نوٹس ءِ داخاطران ہلنگ کپک انتئے کہ ای افتخار چوہدری جوڑ مننگ خواپرہ۔

اول وزارت ءِ تینا کارروائی ءِ پورو کننگ کن ہلنگے۔ ہراتم معاملہ پی اے سی نا مون آ بس تو ہمووخت آ ہُننگک۔