سلاہکار قومی تاریخ و ادبی میرات عرفان صدیقی تون وزیر مملکت ڈاکٹر طارق فضل چوہدری نا اوڑدہی ، تین پہ تینی است خواہی نا معاملہ غاتیا خیال آتا درشانی ءِ کریر
اسلام آباد(پاکستان نیوز پوائنٹ 17اپریل2017ء) وزیراعظم نا سلاہکار قومی تاریخ و ادبی میرات عرفان صدیقی تون کیپیٹل ایڈمنسٹریشن اینڈ ڈویلپمنٹ ڈویژن (کیڈ) نا وزیر مملکت ڈاکٹر طارق فضل چوہدری دوشنبے نا دے اوڑدہی کرے و تین پہ تینی است خواہی نا معاملہ غاتیا خیال آتا درشانی ءِ کریر۔
داوخت آ مروک آ دیوان اٹی قومی تاریخ و ادبی
میرات ڈویژن نا سیکرٹری انجینئر عامر حسن و وزارت کیڈ انا سیکرٹری نرگس گھلوں آن بیدس ہڑتوم آ وزارت آتا ایلو بڑزکو کمامدارآک ہم ساڑی ئسر۔
دیوان اٹی نیشنل لائبریری آف پاکستان آن تعلقدار معاملہ غاتیا خیال آتا درشانی ءِ کننگا و ایسر ناچاری ویل آتا بابت ہڑتوم آ وزارت آتا سینئر افسر آتیا تالان کمیٹی اس جوڑ کننگا۔