ھستیں گچینکاری حکومت ءِ وھد ءَ شریں معاشی پالیسی ءِ وجہ ءَ پاکستانی ذرائع مبادلہ ذخائر ملکی راجدپتر ءِ برز تریں پڑ ءَ 23ارب ڈالر ءَ سر بوتگ انت، صدر مملکت ممنون حسین ءِ گورنر گِس کوئٹہ ءَ کٹھمی مردم آنی نمائندگ آں گوں گپ ءُُ تران

کوئٹہ۔ (پاکستان نیوز پوائنٹ 05 اگست 2016ء) صدر مملکت ممنون حسین ءَ گشتگ انت کہ ھستیں گچین حکومت ءِ وھد ءَ شریں معاشی پالیسی ءِ وجہء َ پاکستان ذرائع مبادلہ ءِ ذخائر ملکی تاریخ ءِ برز تریں پڑ ءَ پڑءَ 23ارب ڈالر ءَ سر بوتگ انت۔

چاگرد ءِ با شعور ٹولہ ءِ پرض انت کہ آ حکومت ءِ شریں گام گیج ءَ اُلسی پڑ ءَ شریں وڑ ءَ پیش کنگ ءِ ھاتر ءَ وتی کرد پیش بہ داریت۔

اے ھیال آنی درشانی آئی ءَ جمعہ ءَ گورنر گِس کوئٹہ ءَ کٹھمی مردم آنی نمائندگ ءِ ٹولہ ءِ گوں گپ ءُُ تران کنگ ءَ کرتگ۔

اے موہ ءَ گورنر بلوچستان محمدخان اچکزئی ، سر وزیر بلوچستان نواب ثناء اللہ خان زہری ہم ھوار ات۔ صدر مملکت ءَ گشتگ انت کہ ھستیں حکومت ءَ 2013ءِ گچینکاری ءِ وھد 14ہزار ہشت سد ارب کلدارء، وام ورثہ ءَ رستگ۔

2013ءَ تاں 2016وام آنی حجم ءَ الما 34درصد اضافہ بوتگ۔ ایشی ءِ بدلہ 2008ءَ تاں 2013ءَ پنچ سال ءِ وھد ءَ ملکی وام آں دو سد درصد اضافہ بوتگ ات۔

ھستیں حکومت ءَ مزن وزیر محمد نواز شریف ءِ سروکی ء۔ شریں معاشی گہتری کنگ ءَ گوستگیں سے سال آنی وھد ءَ ڈنی وام آنی

حجم ءَ محض21درصد ءَ ایر کرتگ انت۔

صدر مملکت ءَ گشتگ کہ وزارت خزانہ پاکستان ءَ باندات ءَ آئی ایم ایف ءَ ھچ نوکیں وام نہ گرگ ءِ پیسلہ کرتگ انت کہ آ یک شریں گام گیج انت۔

اے پیسلہ ءَ ملکی معشیت محکم ءُ وت واجہ بیت۔ صدر ممنون حسین ءَ گشتگ کہ پاک چین اقتصادی راہداری پاکستان ءِ سرا قدرت ءِ نیمگ ءَ یک انچیں غیر متوقع نعمت انت آئی ءِ سرا مارا اللہ تعالیٰ ءِ شکر ادا کنگ ءَ اے نعمت ءَ پورا وڑ ءَ بہرہ مند بوھگ ءِ ھاتر ءَ محنت ءَ کار کنگ بیت۔

آئی ءَ گشتگ کہ سی پیک ءِ ویسٹرن روٹ ءَ ھچ بدلی نہ کرت انت ءُُ اے باروا تالان بوؤکیں افواہ بے بنیات انت۔ آئی ءَ گشتگ کہ بتدریج دیمروی ءُُ وشحالی ءِ راہ ءِ سرا گامزن انت ءُُ دو سال ءَ پاکستان دیمروی ءِ اے راہ ءَ روان بیت ۔

صدر مملکت ءَ شریدار آں زور داتگ کہ اُلسی مفاد ءَ کرتگیں گام گیج ءُُ آھانی ثمر ءَ اُلس ءَ آگاہ بہ کن ات ءُُ سہی ھساب کتاب ءِ گوں حکومت ءِ کار ءُُ موازنہ ڈگاری حقائق ءِ ردا پیش بہ کن ات تنکہ شریں گام گیج ءِ دلبڈی بیت ءُُ دیمروی ءِ تسلسل ءَ برجاہ بہ دار ات۔