کوئٹہ (پاکستان پوائنٹ نیوز 02 -اگست2016 ء) بولان نا علاقہ مٹھڑی نا خڑک نیشنل ہائی وے روڈ آ ترند رفتاری نا سوب مزڈا و کار اس ڈوک لگار ، 2بندغ تپاخت کریر، ڈیور نرا۔
لیویز نا رداٹ سے شنبے آ بولان نا علاقہ نیشنل ہائی وے روڈ آ مٹھڑی لیویز تھانہ نا حاجی شار نا دنگ اٹی جیکب آباد آن کوئٹہ غاہنوک آ مہران کار و کوئٹہ غان بروک آ مزڈا ٹرک اس ڈوک
لگار ہرانا نتیجہ ٹی رسول بخش و عاشق علی ہراکہ جیکب آباد نا ہنکینی ءُ موقع غا ہی تپاخت کریر وخت اس کہ ڈیور نرنگ اٹی سرسہب مس ، لیویز فورس آتے حوال ملنگ تون جاگہ غا سرمرسا لاش آتے دمدستی وڑاٹ ہندی ہسپتال آ گدریفیر ہراڑے المی کارروائی آن گڈ لاش آتے اوفتا وارث آتا حوالہ کننگا وخت اس کہ واقعہ نا جاست وپاست نا بناءِ کننگانے۔