وزیراعظم نا خصوصی کمکار خارجہ امور طارق فاطمی نا میانمر نا سفیرون نیانگ تون اوڑدہی ٹی ہیت وگپ
اسلام آباد(پاکستان نیوز پوائنٹ 27فروری2016ء) وزیراعظم نا خصوصی کمکار خارجہ امور طارق فاطمی پارینے کہ پاکستان و میانمر نا نیام اٹ تعلقداری تے پین مون آ دننگ نا گرج ءِ۔
داہیت ءِ او پاکستان اٹی میانمر نا سفیرون نیانگ تون ہیت گپ کرسا پارے۔ ہرادوشنبے آ دفترخارجہ ٹی اوڑتون سپاروکی اوڑدہی کرے۔
دفترخارجہ نا ترجمان نا رداٹ خصوصی کمکار پاکستان
و میانمر نا نیام اٹ تعلقداری تیٹی مثبت پیش رفت کن سفیرون نیانگ نا کڑد انا ستاءِ کرے۔
طارق فاطمی پارے کہ ہڑتوم آ ملک آتا نیام اٹ تعلقداری تے پین مون آ دننگ و سوگو کننگ نا گرج ءِ ۔ اوپارے کہ پاکستان و میانمر نا نیام اٹ سفارتی تعلقداری 1947ء آن ءُ۔
اوڑدہی ٹی میانمر نا سفیر نیانگ تینا ملک اٹی مروک آ جمہوری بدلی و اوٹی پیش رفت ءِ تالان کرے۔