کراچی پولیس کومبنگ آپریشن، 20 آن زیات بندغ دزگیر آپریشن اٹی 200 کارندہ غاک بشخ ہلکر، علاقہ غاتا محاصرہ ءِ کرسا اُرااُراتلاشی ہلنگا، 3 درملکی باتی تتون اوار 20 شکبر بندغ ءِ دزگیر کننگا، ڈاکٹر فہد

کراچی(پاکستان نیوز پوائنٹ 23فروری2016ء) کراچی سینٹرل جیل انا کنڈآتیا پولیس کومبنگ آپریشن کرسا غوثیہ کالونی آن 20 آن زیات شکبر بندغ آتے دزگیر کرینے۔

ایس پی گلشن اقبال ڈاکٹر فہد نا سروکی ٹی شش جتا تھانہ و ریپڈ رسپانس فورس پولیس سینٹرل جیل انا کنڈآتیا آبادی ٹی سرچ آپریشن کریر۔

اُرااُراتلاشی ٹی چندی بندغ آتے دزگیر کننگا۔ آپریشن اٹی بائیو میٹرک میشن آتے ہم کاریم اٹ اتنگا ہرانا کمک اٹ ہلوک آ بندغ آتا شناختی دستاویز آتا پک کننگ آن پد اوفتے یلہ کننگا وخت اس کہ شناختی دستاویز آتا مفننگ آ 20 بندغ ءِ حراست اٹی ہلسا جاست و پاست کن تھانہ گا گدریفنگا۔

کومبنگ آپریشن نا خاص انگا ہیت دائس کہ پولیس نا کنڈآن اولیکو وار بائیو میٹرک ڈیوائس ءِ کاریم اٹ اتنگا و علاقہ رہینگوک آتا انگوٹہ نا کمک اٹ اوفتا شناخت ءِ کننگا

وخت اس کہ شناخت کپروک آ 20 شکبر بندغ آتے حراست اٹی ہلنگا۔

دارداٹ ایس پی گلشن ڈاکٹر فہد پارے کہ سینٹرل جیل نا کنڈآتیٹی مروک آ سرچ آپریشن اٹی 200 کارندہ بشخ ہلکر۔ پویس نا بھلو نفری اس علاقہ نا محاصرہ ءِ کرسا اُرا اُرا تلاشی ہلکرہراٹی 3 درملکی باتی تتون اوار 20 شکبر بندغ ءِ حراست اٹی ہلنگا۔

ڈاکٹر فہد نا رداٹ آپریشن اٹی پولیس نا کنڈآن اولیکو وار بائیو میٹرک ڈیوائسءِ کاریم اٹ ہم اتنگا۔ بے پورو شناختی کوائف و شکبر بندغ آتے حراست اٹی ہلسا جاست وپاست کن جتا تھانہ غاتیٹی گدریفنگانے۔

ارٹ میکو کنڈ بریگیڈ پولیس لائنز ایریہ ٹی کارروائی کرسا غیر کانودی وڑاٹ رہینگوک آ تنزانیہ نا شاری تے دزگیر کرسا مقدمہ درج کرے وخت اس کہ سپر ہائی وے ٹول پلازہ نا خڑک ڈکیتی ٹی مزاحمت آ سم کاری آن اسہ بندغ اس ٹھپی مس۔