اوجی ڈی سی ایل نا بورڈ آف ڈائریکٹر نا دیوان ، ارٹ میکو سہ ماہی نا مالیاتی نتیجہ غاتا منظوری

اسلام آباد(پاکستان نیوز پوائنٹ 21فروری2016ء) آئل اینڈ گیس ڈویلپمنٹ کمپنی لمیٹڈ (اوجی ڈی سی ایل) نا بورڈ آف ڈائریکٹر نا دیوان اوجی ڈی سی ایل ہیڈ آفس اسلام آباد اٹی اڈ ہلک ہراٹی 31 دسمبر 2016ء آ چٹوک آ ارٹ میکو سہ ماہی (شش تو) نا مالیاتی نتیجہ غاتا منظوری تننگا۔

دا شش تو اٹی کمپنی نا نیٹ سیل مبلغ 81.081ارب روپئی ریکارڈ کننگا وخت اس کہ خراج کٹوتی آن پد کمپنی نا خالص کٹیا 30.008 ارب روپئی سلیس ہراٹی فی شیئر کٹیا 6.98روپئی سلیس۔

بورڈ آف ڈائریکٹر اسہ روپئی فی شیئر عبوری کٹیا تننگ نا پڑو ءِ ہم کرے ہرا 10 درسد ءِ۔ ہندا عبوری کٹیا نا حقدار ہمو شیئر ہولڈرآک مریرہ ہرافتا پن باسک آتا رجسٹر اٹی 14مارچ 2017 ء اسکان ساڑی مریک۔

ہندا وخت اٹی او جی ڈی سی ایل 10.

494ارب روپئی قومی خزانہ ٹی خراج نا مدت اٹی ادا کرے و کمپنی ایکسپلوریشن و ڈویلپمنٹ نا بشخ اٹی نمان ودکی کرے۔

اوجی ڈی سی ایل سیسمک و ڈرلنگ نا سرجزآتیٹی ہم شاندار ودکی کرے۔ بورڈ آف ڈائریکٹر کمپنی نا انتظامیہ نا کنڈآن تیل و گیس انا پیداوار ءِ ودفنگ کن گام گیج آتا ستاءِ کرے و اومیت نا درشانی ءِ کرے کہ داڑآن ملکی توانائی نا کاختی نامون ءِ توننگ اٹی کمک رسینگک۔