لودھراں ءِ اُلس ءَ عمران خانءِ سیاست نہ من اِتگ، عائشہ گلالئی
اسلام آباد(پاکستان نیوزپوائنٹ 13 فروری2018ء) پاکستان تحریک انصاف ءِ راجی اسمبلی ء ِ باسک عائشہ گلالئی ءَ گشتگ کہ لودھراں ءِ اُلس ءَ عمران خان ءِ سیاستءَ را نہ من اِتگ۔
سئے شمبے ءِ روچءَ مزن گسءِ ڈنءَ ھال درءِ گوما گپ ء ُ تران کنانءَ آئیءَ گشتگ کہ لودھراں ءِ اُلس ءَ عمران خان اینڈ کمپنی ء ُ آئی ءِ سیاست ءَ را نہ من اِتگ ، اُلس ءَ دپ چوٹ کنوکء ُ انگریزی ءَ گپ کنوکیں ارب پتی
نہ من اِتگ ۔
آئی ءَ گشتگ کہ جنوبی پنجاپ ءِ مردم زرء ُ کلدارءَ چہ بہاگرگ نہ بنت،اُلس ءَ باج بُرتگء ُ زرء ُ کلدارءَ پروش وارتگ۔
ارب پتی اے سرپد بوتگ اَنت کہ زرء ُ کلدارءَ چہ ھرچی بہازورگ بیت۔ ہیلی کاپٹر ، گراب پشتءَ بوت اَنت۔ آئیءَ گشتگ کہ پاکستان ء ُ جنوبی پنجاپ ءِ اُلس ءَ ر ا اے کلوھ ءَ دیئگ لوٹ ایں کہ آ آؤکیں لھس گچین کاری ءِ تہا اے کھرب پتی ءَ پروش بدے اَنت۔