اسلام آباد (پاکستان نیوز پوائنٹ 19نوری2016ء) وزیر مملکت اطلاعات،نشریات تے قومی ورثہ مریم اورنگزیب آکھیا جو وزیر اعظم محمد نواز شریف آپنڑی سیاسی زندگی اچ یکا عوام دی خدمت کوں ترجیح ڈتی اے،عمران خان آکھدن جو وزیر اعظم ہر جاہ تے فیتے کٹنڑ پج ویندن ،او ایں سانگے فیتہ کٹیندن کیونجو انہاں کم کیتے جڈانجو عمران خان کُوڑ،الزام اتے انتشار دی سیاست دے سوا کجھ نی کیتا۔
پی ٹی آئی کوں ایں سیاست دی بنیاد تے 2018ء دے الیکشن اچ مایوسی توں سوا کجھ نہ ملسی ،عمران خان دا ایجنڈا عوام دی خدمت نی او سچ گھنن جو پانامہ کیس دے بعد کیا کریسن،قوم نال کیتے گئے وعدیاں دے مطابق وزیراعظم نویں منصوبیاں دے فیتے کٹیسن اتے خان صاحب تساں او کٹیسو جیڑھا تساں بجیے۔خان صاحب ہنڑ وی ویلھا اے چنگی فصل لائو تانجو2018اوندا پھل گھن سگو۔پی ٹی آئی آخر کار وزیر اعظم دے بالاں کوں ڈیڈ من گھدے،اساڈے وکیلاں دے دلائل پورے تھیونڑ تے بہوں کجھ نشابر تھی ویسی۔او سنوار کوںاسلام آباد اچ میڈیا نال گالھ مہاڑ کریندی پئی ہن۔ارکان قومی اسمبلی طلال چوہدی،دانیال عزیز اتے بئے مسلم لیگی رہنماء وی انہاں دے رلے ہن ۔
