اسلام آباد (پاکستان نیوز پوائنٹ 19نوری2016ء) وزیراعظم محمد نواز شریف دی صدارت اچ اعلیٰ سطح دے اجلاس اچ دہشت گردی اتے انتہا پسندی کوں قطعی برداشت نہ کرنڑ دی ڈو ٹوک پالیسی دا اعادہ کریندیں ہوئیں ایں امر کوں اجاگر کیتا گئیا جو قومی پالیسی مقاصد دے حصول سانگے ہر سطح تے کوشش جاری رکھنڑی ویسی،فوجی عدالتاں انتہا پسندی اتے دہشت گردی دے خلاف انتہائی اہم کردار نبھائے ۔
وفاقی حکومت فوجی عدالتاں کوں جاری رکھنڑ سانگے آئینی ترمیم تے مشاورت شروع کر چکی اے۔پاکستان دے خارجہ تعلقات بارے اعلیٰ سطح دا اجلاس سنوار کوں ایوان وزیر اعظم اچ تھیا۔اجلاس اچ انسداد دہشت گردی آپریشنز دے ذریعے ملنڑ آلی کامیابیاں کوں بئیا مستحکم بنڑاونڑ دے پیش نظر داخلی اتے علاقائی سلامتی صورتحال دا تفصیلی جائزہ گھدا گئیا۔اجلاس دے شرکاء داخلی امن دے حصول اتے اوندے نال نال خارجہ پالیسی اقدامات کوں ودھاونڑ سانگے انتہا پسندی اتے دہشت گردی کوں قطعی برداشت نہ کرنڑ دی پاکستان دی واضح پالیسی دا اعادہ کیتا۔
اجلاس قومی پالیسی مقاصد دے حصول سانگے ہر سطح تے کوششاں جاری رکھنڑ دا اعاد ہ کیتا۔جلاس اچ وزیر خزانہ محمد اسحاق ڈار، وزیر داخلہ چوہدری نثار علی خان، چیف آف آرمی سٹاف جنرل قمر جاوید باجوہ، ڈی جی آئی ایس آئی لیفٹیننٹ جنرل نوید مختار، وزیراعظم دے مشیر برائے خارجہ امور سرتاج عزیز، وزیراعظم دے معاون خصوصی طارق فاطمی، قومی سلامتی مشیر لفٹیننٹ جنرل (ر) ناصر خان جنجوعہ، وزیراعظم دے سیکرٹری اتے بئے سینئر حکام موجود ہن ۔
