اسلام آباد (پاکستان نیوز پوائنٹ 11جنوری2016ء) وفاقی وزیر ریلوے خواجہ سعد رفیق آکھیا جو پچھلے ترائے سالیں وچال ٹریناں دے 25خطرناک حادثے تھین ،حادثیاں دے ذمہ واراں کوں سزاواں ڈتیاں ویسن،انسانی جاناں نال کھیڈنڑ آلیاں کوں کہیں صورت معاف کائنا کیتا ویسی۔بدھ کوں ایوان بالا دے اجلاس اچ سینیٹر طلحہ محمود دے سوال دے جواب اچ وفاقی وزیر آکھیا جو ریلوے دی کارکردگی بہتر بنڑاونڑ سانگے بھرپور اقدامات کیتے ویندے پئن ۔
اجوکی پالیسی دے مطابق ٹریناں اچ سفر کرنڑ آلے مسافراں اتے ریلوے دے عملے دا بیمہ تھیندے۔حادثے دی صورت اچ جاں بحق تھیونڑ آلیاں دے وارثیں کوں معاوضہ ڈتا ویندے ۔انہاں آکھیا جو مئی 2013ء توں 31دسمبر2016وچال تھیونڑ آلے 25حادثیاں اچوں 17حادثے ریلوے ملازمین دی غلطیاں پاروں تھین ۔ست دہشت گردی جڈانجو ہک قدرتی آفات پاروں تھیا۔
