بھارت دے شہر پونے وچ زیر تعمیر عمارت وچ تھیونڑ آلے ہک حادثے دے نتیجے وچ 9 مزدور ہلاک

ممبئی (پاکستان پوائنٹ نیو ز 29۔جولائی۔2016ء) بھارت دے مغربی شہر پونے وچ زیر تعمیر عمارت وچ تھیونڑ آلے ہک حادثے دے نتیجے وچ 9 مزدور ہلاک تھی گئے،ممبئی توں 120 کلومیٹر دور پونا وچ ہک زیر تعمیر عمارت وچ کنکریٹ سلیب ڈھونڑ نال 9 مزدور ہلاک اتے13 زخمی تھی گئے۔پونا پولیس دے مطابق ایہ واقعہ سویل11 وجے پیش آیا ۔پولیس کمشنر سیچدیانند دے مطابق زخمیاں کوں ہسپتال منتقل کر تے طبی امداد فراہم کیتی ویندی پئی ہے اتے واقعے دی تحقیقات دا وی آغاز کر ڈتا گئے۔