برطانوی وزیراعظم دا پولینڈ دا دورہ، برگزٹ دے بعد پولش کارکناں دے حقوق دے تحفظ دی یقین دہانی

وارسا (پاکستان پوائنٹ نیو ز 29۔جولائی۔2016ء) برطانوی وزیراعظم تھریسامے منگل کوں پولینڈ دا دورہ کیتا جیں دا بنیادی مقصد یورپی یونین توں اخراج دے بعد برطانیہ اچ مقیم پولینڈ دے ہزاراں کارکناںدے ضمن اچ پولینڈ دی حکومت کوں یقین دہانی کراونڑ ہا۔ وارسا اچ اپنڑے پولش ہم منصب دے نال پریس کانفرنس توں خطاب کریندے ہوئیں تھریسامے آکھیا جو او برطانیہ اچ رہنڑ آلے پولینڈ دے کارکناں کوں یقین ڈویندی ہے جو برطانیہ اچ ملکی تری اچ پولش کارکناں دی خدمات بدستور خیر مقد م کریندا رہسے ۔

واضح رہے جو ایں ویلھے برطانیہ اچ تقریباً8 لکھ دے نیڑے پولینڈ دے کارکن کم کریندے پن جڈاں جو پولش زبان برطانیہ اچ بولی ونجنڑ آلی سرکاری ڈوجھی وڈی زبان بنڑ گی ہے ۔انہاں آکھیا جو یورپی یونین توں اخراج دے بعد پولینڈ دے کارکناں دے سارے حقوق دا تحفظ کیتا ویسی۔