مولانا رومی دی تعلیمات کو ںاسلام فوبیا دے خلاف مثال بنڑایا ونجے ،منیجر قونیا انجمن ترک صوفی موسیقی

مولانا رومی دی تعلیمات کو ںاسلام فوبیا دے خلاف مثال بنڑایا ونجے ،منیجر قونیا انجمن ترک صوفی موسیقی

انقرہ (پاکستان نیوز پوائنٹ 31جنوری2016ء) قونیا انجمن ترک صوفی موسیقی دے منیجر فخری اوز چاکل آکھیا ہے جو مولانا جلال الدین رومی دی تعلیمات کوں اسلام فوبیا دے خلاف مثال بنڑایا ونجے ۔ترک خبررساں ایجنسی دے مطابق فخری اوز چاکل دا آکھنڑ ہے جو جلال الدین رومی صدیاں پہلے موجود ہ حالات دا اندازہ کر گھدا ہئی دنیا اچ افراتفری اتے جنگاں دا ماحول آپ دے شہکاراںدے ذریعے دورتھیسی۔

انہاں آکھیا جو مسلماناں کوں برا ڈکھاونڑ دی مہم زور پکڑ گی ہے جیں کوں قبول کرنڑ ممکن کائنی ۔انہاں آکھیا جو دین اسلام خوف کھاونڑ آلا ہک مذہب کائنی بلکہ اے امن تے ،سدھے رستے تے بھائی چارے دا سنھیا ڈیندا ہے ۔انہاں آکھیا جو اسلام فوبیا دے خلاف اساکوں جلال الدین رومی دے طرز زندگی اتے انہاں دی تعلیمات دیاں مثالاں پیش کرنڑیاں چا ہیدیاں ہن ۔انہاں آکھیا جو آپ دی تعلیمات اچ قرآن کریم تے سنت نبوی دی جھلک ڈکھائی ڈیندی ہے ۔آپ 800سال پہلے عصر حاضر سانگے پیغامات بھیجے جیں دی روشنی اچ نہ صرف مسلم امت سانگے بلکہ پوری دنیا دے انساناں سانگے ہے ۔انہاں آکھیا جو مثنوی قر آن کریم دا نچوڑ ہے ۔